Po'unde-unde 12
12
Pekakai mepetulungi ka iteliahako inso a mia anu molengku
12:1-9
1Tiano petewawado anu mpenani. Montonda unino penani Anu ko'oalu. Penani po'unde-undeno i Daudi.
2Itulungi akumo, Ue, hangano mia moleo pingkoomo,
metampula iramo mia mpetenunu inso i olodo anano mia.
3Luwuno mia pompau pegaupi, asa mia a anu susua,
ondae mpepauako wiwi anu mo'ahi ka aroa anu mesampa.
4Po'ineeomo Ue Iseseio luwuno wiwi anu mo'ahi
ka sompo elo anu labampau.
5Dompotae, ”Saru elomami, omami mponangi!
Wiwimami bisa mompau hapamo koa! Nde isemake uemami?”
6Hangano pompokonsiia a mia molema,
hangano pompemasusano mia mongkokolaro,
kanandio-andio Akumo mentade, pau-Do i Ue;
Aku moweeakono pongkadudui a mia anu kumekewoio.
7Dandi-Do i Ue atuu dandi anu mentee ntu'u,
kana salaka anu pinaresaomo,
pepintu ipinokomorina a awu pompokolonoa inso a wita.
8Omiu, Ue, Komiu mokogagio,
Komiu dumagai kami mpiha inso a gerombola andio.
9Mia mosa'o gauno melempa maupo isua,
poweweua anu mosa'o i olodo anano mia komapa-maparino.
Currently Selected:
Po'unde-unde 12: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
