Po'unde-unde 14
14
Monge-mongeno mia
14:1-7
1 #
Rom. 3:10-12
#
Pud. 53
Tiano petewawado anu mpenani. Inso ndi Daudi.
Mia monge-monge motae i laro aroano,
”Nahina Ue Ala.”
Mosa'o ka mokoburu poweweudo,
nahina moweweu moiko.
2Ondae i Ue mensiro inso i suruga
a luwuno anano mia
Ira kumitao, ke hinao anu molino pinewowolono
ka umungke Ira Ue Ala.
3Luwudo mepansia iramo, luwuno mpoweweu iramo anu mosa'o;
nahina anu moweweu moiko, maupo te'asa mia nahina.
4Nahi dompokonto'orioke luwuno mia anu mpoweweu mosa'o?
Mengkaano pingko bawaa-Ku, mokomowohio koroido ondaedo,
ka nahi pebooli ndi Ondae i Ue.
5I ra'aimo ta umalu ira doitoa,
hangano Ondae Ue Ala kumongkomio mia mentee.
6Omiu mokomperuanahio sinongkado mia tepokonsii,
sine Ondae i Ue pepekaduduiano.
7Oo, po'ineeomo ka i'aiwa inso i Sioni tekaduduiano Isaraeli!
Tewala Ondae i Ue momuleo teweweuno bawaa-Do,
i Yako ta meboo-booli, Isaraeli ta mo'unde.
Currently Selected:
Po'unde-unde 14: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
