Po'unde-unde 121
121
Ondae i Ue, Anu Dumagaio Isaraeli
121:1-8
1Penani mekoho.
Mengkita aku ngkoraane a luwuno torukuno;
inso isuake ta hawe anu tumulungi aku?
2Anu tumulungi aku onaemo inso ndi Ondae i Ue,
anu mokogagio langi ka tolino.
3Nahi Ira mo'ineeo karumu telelu,
Anu Dumagaiko nahi Ira tekoturi rodo.
4Menteeano nahi Dotekoturi rodo ka nahi Dotekoturi
Anu Dumagaio Isaraeli.
5Ondaemo i Ue Anu Dumagaiko,
Ondaemo i Ue pe'egoamu te'alaako
a ngkae koanamu.
6Mata'oleo nahi ta mokomahakiko i tempono meene,
ke wula i tempono wongi.
7Ondae i Ue Ira dumagaiko a luwuno masolaa;
Ira dumagaio penaamu.
8Ondae i Ue Ira dumagaio peluarakomu ka pewinsomu,
mompu'u kanandio-andio hawe nahina tampulaano.
Currently Selected:
Po'unde-unde 121: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
