Po'unde-unde 120
120
Pekakaino mia anu mo'ia i tonga-tongano iwali
120:1-7
1Penani mekoho.
A laro pompema'isoku kupebooli ndi Ondae i Ue
ka Dosangki aku.
2”Oo Ue, Ipotola akumo
inso a wiwi megaupi,
inso a elo mompopo'oo.”
3Hapake anu Ira weeakomu
ka hapake anu da Ira tumiangiakomu,
hei elo mompopo'oo?
4Luwuno pana anu montaso inso a pongkiari
ka warono keu arari.
5Masola akumo, hangano asalakono mo'ia kana mia hawe i Meseki,
hangano asalakono mo'ia mpiha i olodo luwuno kemado to Kedari!
6Tehineomo kupo'ia
merongaako ira mia anu me'o'aliaakono pesintuwua.
7Tempono kupepau mongkona sintuwu,
ondae mongkona peteaa.
Currently Selected:
Po'unde-unde 120: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
