Po'unde-unde 122
122
Pekakai manangaino Yerusale
122:1-9
1Penani pekohono i Daudi.
Mawongko aku, tempono kupinauako,
”Aiwa ka tomelako a Raha-Do i Ue.”
2Kanandio-andio karumami mpentade
a mpewowa langkaimu, hei Yerusale,
3Yerusale, anu winangu kana kota,
kana kota anu moroso pino'asa.
4I ra'ai luwuno suku dompekoho,
luwuno suku-Do i Ue,
ka dompontarimakasi a nee-Do i Ue
menunu saru atorado to Isaraeli.
5Hangano, i ra'aimo ininaa luwuno kadera pobitaraa,
kaderado somborino i Daudi.
6Pekakaimo tiano manangaiano Yerusale,
”Po'ineeomo domentuwu rodo luwuno mia anu kumekewoiko.
7Po'ineeomo manangaia ka ikongko a luwuno rere watumu,
ka rodoa a bentemu!”
8Hangano luwuno pepaekompoku ka wali-waliku
aku koa motae, ”Po'ineeomo manangaia ka ikongko i laromu!”
9Hangano Raha-Do i Ue, Ue Alato,
aku koa umusahaakomu anu lalu moiko.
Currently Selected:
Po'unde-unde 122: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
