Po'unde-unde 11
11
Ondae i Ue, pepekaduduia
11:1-7
1Tiano petewawado anu mpenani. Inso ndi Daudi.
Ndi Ondae i Ue kupepekadudui,
kana'umpe komiu memosia mpotae ndi ongkue,
”Peneemo a ntorukuno kana manu-manu!”
2Hangano, kitao mia mosa'o gauno lumongkuo panano,
ondae mempasao ana mpanano a ngkolorono pana,
mempanao mia anu bobotoli aroano a wongi-wongiano.
3Tewala luwuno pundasino tehoa,
hapa anu ta mokoweweuo mia mentee?
4Ondae i Ue kongko Ira i laro raha-Do anu mempori;
Ondae i Ue, kadera poparentaa-Do i suruga;
mata-Do mompekokoongako,
pengkitano mata-Do paresa ira anano mia.
5Ondae i Ue paresao mia mentee ka mia mosa'o gauno,
ka Do'o'aliaakono mia anu mongkekewoi pobobarasaia.
6Do'usaiako ira mia mosa'o gauno waro me'api ka walira;
angi anu mompokomo'ai, onaemo ihino pialado.
7Hangano Ondae i Ue atuu moleo
ka Dopehohawao moleoa;
mia anu bobotoli aroano ta kumitao rupa-Do.
Currently Selected:
Po'unde-unde 11: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
