Po'unde-unde 112
112
Urano mia mentee
112:1-10
1Haleluya!
Me'uraomo mia anu doitoako Ira i Ue,
anu tedoa ineheno a luwuno parenta-Do.
2Inuleno ira memoroso i tolino,
inuleno mia mentee ta rinonso.
3Arataa ka kaeaa hinao a laro rahano,
poweweuno anu moiko nahi bali ranta nahina tampulaano.
4A laro wongi-wongi saba mewine tiano mia mentee;
onae me'aroa ka mompehohawa, ka moleo.
5Me'uraomo mia anu me'aroa ka mompesaboako,
anu weweuo urusano moleo,
6onae nahi ta telelu ranta nahina tampulaano.
Mia mentee ta rinambe nahina tampulaano,
7onae nahi doitoakono lele mosa'o,
aroano moroso, buke pompe'ala-alano ndi Ondae i Ue.
8Aroano moroso, onae nahi ta doito,
onaemo ka ipe'uru-uru ira iwalino.
9 #
2Kor. 9:9
Saru pe'aroano onae montia-tia a mia mongkokolaro;
poweweuno anu moiko nahi bali ranta nahina tampulaano,
tandu rosono pinoko'ondau a laro marambaa.
10Mia mosa'o gauno kumitao, ka i'amba mahaki aroa,
ipokingkio ngisino, ka i'amba gagi motewe aroa;
po'eheno mia mosa'o gauno te'aro a matea.
Currently Selected:
Po'unde-unde 112: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
