Po'unde-unde 113
113
Ondae i Ue tumandeo mia pinokongkodei
113:1-9
1Haleluya!
Unde-unde Iramo, hei luwuno tetenaa-Do i Ue,
unde-undeomo nee-Do!
2Po'ineeomo nee-Do i Ue ipinalele,
kanandio-andio ka nahina tampulaano.
3Inso i sabaano hawe i sumooano oleo
inunde-undeomo nee-Do i Ue.
4Ondae i Ue pabawaio luwuno tongku,
maramba-Do pabawaio langi.
5Isemake kana Ondae i Ue, Ue Alato,
anu mo'ia a mpo'ianga anu mantande,
6anu me'urumako mengkita i totono,
i langi ka i tolino?
7Dopontadeo mia anu pinokongkodei inso a laro pampawu
ka tumandeo mia anu mongkokolaro inso a rege,
8ka dompontoroo meronga luwuno ulea mokole,
meronga luwuno mia pinemota'uno tongkuno.
9Dopontoroo beine anu biita a raha
gagi inedo nana'ote, buke mawongko.
Haleluya!
Currently Selected:
Po'unde-unde 113: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
