Po'unde-unde 111
111
Po'unde-unde a wineweu ka parenta-Do i Ue
111:1-10
1Haleluya!
Aku montarimakasi ndi Ondae i Ue tompaano aroaku,
i olodo mia mentee ka a laro bawaa.
2Langkai luwuno wineweu-Do i Ue,
tekona domemparesao luwuno mia anu ineheakono.
3Langkai ka maramba inangga-Do,
moleo-Do nahi bali ranta nahina tampulaano.
4Luwuno wineweu anu kinohali-haliako Doweweuo gagi pepopoto'ori,
Ondae i Ue atuu me'aroa ka mompehohawa.
5Dopoweeako ira kaanga mia anu doitoako Ira.
Dorambeo pedandia-Do ranta nahina tampulaano.
6A bawaa-Do Dopokomengkaao luwuno wineweu-Do anu buke pabawa,
tempono Doweeako ira tia pusakado luwuno tongku.
7Moleo ka mentee wineweuno kae-Do.
Luwuno parenta-Do moroso,
8moroso mpiha ka nahina tampulaano
ka iwineweu mentee ka moleo aroa.
9Doweeako ira potolaa a bawaa-Do,
Dopakosio ka ipinake dandi-Do ranta nahina tampulaano;
mempori ka mongkokongiriomo nee-Do.
10 #
Ayb. 28:28; Pow. 1:7; 9:10 Pompu'uano ponto'ori anu mentee onaemo doitoako Ira i Ue,
luwuno mia anu weweuo mohawe pokonto'ori anu moiko.
Po'unde-unde ndi Ondae nahi bali ranta nahina tampulaano.
Currently Selected:
Po'unde-unde 111: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
