Powadi 26
26
1Kana seru baku i tempono motu'i-tu'i ka usa i tempono konsowia,
kanatuu koa mbo'u pompelangkai nahi tekona a mia monge-monge.
2Kana manu-manu dena menee ka manu-manu wowitu menee-nee,
kanatuumo totonaa nahina pepu'uano nahi ta kona.
3Ponsepi onaemo tiano ngara, sama tiano kalide,
ka tarasulu tiano torukuno mia monge-monge.
4Si sangkio mia monge-monge montonda benge-bengeno,
ka si ugagi kana onae.
5Sangkiomo mia monge-monge montonda benge-bengeno,
ka si potae koroino pande mosongka.
6Isema mo'oliwi pe'oliwi telalo a mia monge-monge
puduo karuno onaeno ka mo'inu pobobarasaia.
7Kanamo karuno mia pungku anu telupe,
kanandimo powadi a ngangano mia monge-monge.
8Kana mia mowutu watu a mpokembi,
kanatuumo mia anu mompelangkai a mia monge-monge.
9Kanamo rui anu dumuhuo kaeno mia molabu,
kanatuumo powadi a ngangano mia monge-monge.
10Kanamo puu pompana anu belaio sompo mia,
kanatuumo onae anu moweeakono anggaa mia monge-monge ka luwuno mia anu telalo.
11 #
2Pet. 2:22
Kana dahu mekule a ngkolua-luano,
kanatuumo mia monge-monge anu walio benge-bengeno.
12Nde ukitaoke mia anu motae koroino pande mosongka?
Pomperorohino mia monge-monge langkaiopo sekonopo a mia atuu.
13Mia moluwe motae, ”Hinao singa a nsala!
Hinao singa i tongano tanalapa!”
14Kana tondo mewolili a henseno,
kanatuumo mia moluwe a mpoturiano.
15Mia moluwe umemoo kaeno a laro sempe,
sine onae mokendo lahi ta mokuleo a ngangano.
16Mia moluwe tumuduo koroino lalu pande mosongka
sekonopo opitu mia anu sumangki kona ntu'u.
17Kanamo mia anu morako birino dahu anu telalo
kanatuumo mia anu mesalo-salo a mpengengeado mia susua.
18Kana mia mekombe mepanaako
pana api, pana mompepate,
19kanatuumo mia anu mompopo'oo pe'asa miano
ka motae, ”Ongkue butu memae-mae.”
20Tewala keu pingko, mate api;
tewala nahina anu mompau nahi mentee, menaa-naaomo pe'u'uaa.
21Kana halo tiano waro melanga ka keu tiano api,
kanatuumo mia anu ineheno me'u'ua ka ipokomokulao pengengea.
22Kana kaanga mo'ahi pauno anu mompau nahi mentee
mewinso i laro aroa.
23Kana salaka menta'i labu umapiio siba ngkuro,
kanatuumo wiwi mo'ahi saru aroa mosa'o.
24Anu mo'o'aliako mo'onde-ondeako wiwino,
sine i laro aroano hinao pompopo'oo.
25Tewala mauru pepauno, si pe'ala-alao,
hangano opitu mokoburua kongko i laro aroano.
26Maupo po'o'aliano itutuwio pompopo'oo,
poweweuno mosa'o ta saba a laro bawaa.
27Isema mongkeke aa ta tedonta i larono,
ka isema molundi watu, watu atuu ta mewolili dumunsio.
28Elo pegaupi umo'aliaakono ginaupino,
ka nganga marampau mowawa masolaa.
Currently Selected:
Powadi 26: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
