Podoaa 33
33
Luwuno po'ianga tetoroado to Isaraeli i pada one
33:1-49
1Ndiomo luwuno po'ianga tetoroado to Isaraeli, mansado mpeluarako inso i wita Masiri, montonda pebawaado iwawa ira i Musa ka i Haruni. 2I Musa burio pelempaado montonda luwuno po'ianga tetoroa lumako a mpo'ianga tetoroa menunu saru petena-Do i Ue. Ndiomo luwuno po'ianga tetoroado a laro pelempaado: 3Dompelungka inso i Ramesi ia oleo kohopulu ka olima wula amba-ambano. Asa oleo umarino Pasa atuu to Isaraeli mpelempa mpeluarako, iwawa ira Kae anu Mantande, i arodo luwuno to Masiri, 4kontongaado to Masiri mengkaburuo luwuno ana aka anu Dopepate iramo i Ue i olodo; hangano Dopotiiomo i Ue luwuno pohuku a luwuno pinesombaido. 5To Isaraeli mpelungka inso i Ramesi, ka do'amba mpekema i Sukoti. 6Mpelungka ira inso i Sukoti, ka do'amba mpekema i Etami, i wiwino pada one. 7Mpelungka ira inso i Etami, ka do'amba mpepokule i Pi-Hahiroti anu i arono Baala-Seponi, ka do'amba mpekema i asatowano Migidoli. 8Mpelungka ira inso i Pi-Hahiroti ka melaloo tonga ntahi melako i pada one. Mansado mpelempa otolu oleo tehineno i pada one Etami, mpekema ira i Mara. 9Mpelungka ira inso i Mara, ka do'amba mehawe i Elimi; i Elimi hinao hopulu ka orua mata uwoi ka pitu pulu keu koroma; i ra'aimo dompekema. 10Mpelungka ira inso i Elimi, ka do'amba mpekema i wiwi ntahi Teberau. 11Mpelungka ira inso i wiwi ntahi Teberau, ka do'amba mpekema i pada one Sini. 12Mpelungka ira inso i pada one Sini, ka do'amba mpekema i Dopika. 13Mpelungka ira inso i Dopika, ka do'amba mpekema i Alusi. 14Mpelungka ira inso i Alusi, ka do'amba mpekema i Rapidimi, ka i ra'aimo nahina uwoi inuado tongku atuu. 15Mpelungka ira inso i Rapidimi, ka do'amba mpekema i pada one Sinai. 16Mpelungka ira inso i pada one Sinai, ka do'amba mpekema i Kibiroti-Taawa. 17Mpelungka ira inso i Kibiroti-Taawa, ka do'amba mpekema i Haseroti. 18Mpelungka ira inso i Haseroti, ka do'amba mpekema i Ritima. 19Mpelungka ira inso i Ritima, ka do'amba mpekema i Rimoni-Perosi. 20Mpelungka ira inso i Rimoni-Perosi, ka do'amba mpekema i Libina. 21Mpelungka ira inso i Libina, ka do'amba mpekema i Risa. 22Mpelungka ira inso i Risa, ka do'amba mpekema i Kehelata. 23Mpelungka ira inso i Kehelata, ka do'amba mpekema i Hari-Siaperi. 24Mpelungka ira inso i Hari-Siaperi, ka do'amba mpekema i Harada. 25Mpelungka ira inso i Harada, ka do'amba mpekema i Makeloti. 26Mpelungka ira inso i Makeloti, ka do'amba mpekema i Tahati. 27Mpelungka ira inso i Tahati, ka do'amba mpekema i Tarahi. 28Mpelungka ira inso i Tarahi, ka do'amba mpekema i Mitika. 29Mpelungka ira inso i Mitika, ka do'amba mpekema i Hasimona. 30Mpelungka ira inso i Hasimona, ka do'amba mpekema i Moseroti. 31Mpelungka ira inso i Moseroti, ka do'amba mpekema i Bene-Yaakani. 32Mpelungka ira inso i Bene-Yaakani, ka do'amba mpekema i Hori-Gidigadi. 33Mpelungka ira inso i Hori-Gidigadi, ka do'amba mpekema i Yotibata. 34Mpelungka ira inso i Yotibata, ka do'amba mpekema i Abirona. 35Mpelungka ira inso i Abirona, ka do'amba mpekema i Esioni-Geberi. 36Mpelungka ira inso i Esioni-Geberi, ka do'amba mpekema i pada one Sini, onaemo Kadesi. 37Mpelungka ira inso i Kadesi, ka do'amba mpekema i torukuno Hore, a ntida witado to Edomi.
38 #
Pod. 20:22-28; Win. 10:6 Tempo atuu sando mpesomba Haruni mewuatako a ntorukuno Hore menunu saru petena-Do i Ue. Ka i tu'ai imate ia nta'u kopato pulu umarido mpeluarako to Isaraeli inso i wita Masiri, tanggala asa, wula ko'olima. 39Tinuwuno i Haruni asa etu ka rua pulu ka otolu nta'u, tempono imate i torukuno Hore.
40 #
Win. 21:1
Lele mongkona hawedo to Isaraeli atuu i rongeo mokole wita Aradi, to Kana'a, anu mo'ia i wita Nege i wita Kana'a.
41Mpelungka iramo inso i torukuno Hore, ka do'amba mpekema i Salimona. 42Mpelungka ira inso i Salimona, ka do'amba mpekema i Punoni. 43Mpelungka ira inso i Punoni, ka do'amba mpekema i Oboti. 44Mpelungka ira inso i Oboti, ka do'amba mpekema umpeda inia tekale i Abarimi i wita Moabi. 45Mpelungka ira inso tekale atuu, ka do'amba mpekema i Diboni-Gadi. 46Mpelungka ira inso i Diboni-Gadi, ka do'amba mpekema i Alamoni-Dibalataimi. 47Mpelungka ira inso i Alamoni-Dibalataimi, ka do'amba mpekema i mentorukuno Abarimi i arono Nebo. 48Mpelungka ira inso i mentorukuno Abarimi, ka do'amba mpekema i lembono Moabi i wiwi ngkoro Yarade umpeda i Yeriko. 49Mpekema ira i wiwi ngkoro Yarade, inso i Beti-Yesimoti hawe i Abeli-Sitimi i lembono Moabi.
Parenta-Do i Ue mongkona wita Kana'a
33:50-56
50Mepau Ira i Ue ndi Musa i lembono Moabi i wiwi ngkoro Yarade umpeda i Yeriko, 51”Pepaumo a nto Isaraeli ka potaeako ira: Tewala imensakio koro Yarade melako i wita Kana'a, 52asalakono imensaari ira luwuno palili i wita atuu inso i aromiu ka imempuroo luwuno watu ngginorido; asalakono imempuroo mbo'u luwuno tinaha tinawado ka imeropuo luwuno pongku wita pesombaado. 53Asalakono impetorokio wita atuu ka mpo'ia i ra'ai, hangano ndi omiumo Kupeweengakono wita atuu ka impetorokio. 54#Pod. 26:54-56Ka asalakono impetiao wita atuu gagi tia pusaka saru mpontende undi montonda sukumiu; a anu hadio ira asalakono impoweeako ira tia pusaka anu langkai, ka a anu tedei ira asalakono impoweeako ira tia pusaka anu kodei; hapa anu tinisono undi tiano, onaemo tiano; asalakono impetiao tia pusaka atuu montonda sukudo uempu'umiu. 55Sine tewala nahi mensaario palilino wita atuu inso i aromiu, luwuno mia anu pino'ineemiu tuwu inso ndi ondae, ta gagi kana siba a matamiu ka kana rui anu dumuhuo horimiu, ka ira mensapoikomiu i wita po'iangamiu atuu. 56Manasa Aku weweuo ndi omiu kana anu pinewowolo-Ku weweuo ndi ondae.”
Currently Selected:
Podoaa 33: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
