Podoaa 34
34
Luwuno tida wita Kana'a
34:1-12
1Mepau Ira i Ue ndi Musa, 2”Parenta iramo to isaraeli ka potaeako iramo: Tewala mpewinso komiu i wita Kana'a, ndiomo wita anu ta gagi tia pusakamiu, wita Kana'a montonda luwuno tidano. 3Apano i selatamiu onaemo inso i pada one Sini mewiwino i Edomi. Gagi tida i selatamiu mompu'u inso i untuno Tahi me'ohia i sabaano oleo. 4Ka i'amba melengkuako i selatano porakea Akarabi, motilalo i Sini ka metompaako i selatano Kadesi-Baranea. Umarino humaweo Hasari-Adari, tida atuu motilalo i Asimoni. 5Ka i'amba tida atuu melengkuako inso i Asimoni a ngkoro Masiri ka metompaako i tahi. 6Tidamiu i sumooano oleo: Tahi Langkai ka wiwino; onaemo atuu tidamiu i sumooano oleo. 7Ndiomo tidamiu i utara: mompu'u inso i Tahi Langkai asalakono impoweweu tondonino tida hawe a ntorukuno Hore, 8inso a ntorukuno Hore asalakono impoweweu tondonino tida a nsala te'aro i Hamati, ka i'amba tida atuu metompaako i Sedadi. 9Ka i'amba tida atuu ihaweo Sipiruni ka metompaako i Hasara-Enani; onaemo tidamiu i utara. 10Asalakono impoweweu tondonino tida i sabaano oleo inso i Hasari-Enani te'aro i Sepami. 11Inso i Sepami tida atuu metii i Ribela, i sabaano oleo Aini; ka i'amba tida atuu metii mbo'u ka ihaweo wingke rano Kinereti i sabaano oleo. 12Ka i'amba tida atuu metii a ngkoro Yarade ka metompaako i Tahi me'ohia. Onaemo witamiu saru luwuno tida lumimbuo.”
Luwuno petewawa anu tumiao wita Kana'a
34:13-29
13 #
Pod. 26:52-56
#
Yos. 14:1-5
I Musa parenta ira to Isaraeli, ”Naemo atuu wita anu komiu mentiao gagi tia pusaka saru montende undi anu pinarenta-Do i Ue ka domewineeako osio ka entonga suku. 14Hangano suku inuleno i Rube montonda pepe'etuado ka suku inuleno i Gadi montonda pepe'etuado, suku Manase mbo'u anu entonga atuu mpotarima iramo tia pusakado. 15Orua ka entonga suku atuu mpontarima iramo tia pusakado i asatowano koro Yarade umpeda i Yeriko, i sabaano oleo.”
16Mepau Ira i Ue ndi Musa, 17”Ndiomo needo luwuno mia anu asalakono tumiao wita atuu ndi omiu gagi tia pusaka: sando mpesomba Eleasa ka i Yosua anano i Nuni. 18Asalakono impo'ala mbo'u asa petewawa inso a sompo suku ka domentiao wita atuu gagi tia pusaka. 19Ndiomo needo luwuno mia atuu: i Kalebi anano i Yepune inso a nsuku Yehuda; 20i Samueli anano i Amihudi inso a nsuku inuleno i Simeo; 21i Elidadi anano i Kisiloni inso a nsuku Benami; 22i Buki anano i Yogili, asa petewawa inso a nsuku inuleno i Dani, 23inso a luwuno anano i Yusupu, i Hanieli anano i Epodi asa petewawa inso a nsuku inuleno i Manase, 24ka i Kemueli anano i Sipatani, asa petewawa inso a nsuku inuleno i Eparai; 25i Elisapani anano i Paranahi asa petewawa inso a nsuku inuleno i Sebulo; 26i Palitieli anano i Asani, asa petewawa inso a nsuku inuleno i Isakari; 27i Ahihudi anano i Selomi, asa petewawa inso a nsuku inuleno i Asere; 28i Pedaeli anano i Amihudi, asa petewawa inso a nsuku inuleno i Napatali. 29Onaemo atuu luwuno mia anu pinarenta-Do i Ue ka domentiao tia pusaka a nto Isaraeli i wita Kana'a.”
Currently Selected:
Podoaa 34: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
