Podoaa 29
29
1A ntanggala asa wula ko'opitu, asalakono impoweweu tepumpua mempori. Si mpo'angga anggaa hapamokoa anu mobea. Onaemo oleo i puuriakomiu serunai. 2I tempo atuu asalakono imeweweuo asa ntia pesomba tinunu gagi woo anu pinemawongko-Do i Ue, onaemo asa sapi mongura, asa bimba lakino, opitu bimba lakino anu tinuwuno asa nta'u anu nahina tataano; 3ka pesomba kaangano, onaemo: tarigu moiko ntu'u anu sinaloako lana otolu ntia hopulu efa tiano nsapi lakino atuu, orua ntia hopulu efa tiano bimba lakino atuu 4ka asa ntia hopulu efa tiano sompo bimba inso a bimba opitu atuu; 5asa mbo'u bembe lakino gagi pesomba po'onini hala moweweu pesintuwua ndi omiu. 6Onaemo tiangino a mpesomba tinunu wula mongura saru pesomba kaangano, ka pesomba tinunu anu wela pinesombaako saru pesomba kaanga ka luwuno pesomba tinawano menunu kana atorano, gagi woo anu mompokomawongko, asa pesomba tinunu ndi Ondae i Ue.
7 #
Ima. 16:29-34
Ia oleo kohopulu wula anu ko'opitu atuu, asalakono impoweweu tepumpua mempori ka mpe'urumako saru mempuasa; si mpo'angga anggaa hapamokoa. 8Asalakono impopesombaako pesomba tinunu ndi Ondae i Ue, gagi woo anu mompokomawongko, onaemo asa sapi lakino mongura, asa bimba lakino ka opitu bimba lakino anu tinuwuno asa nta'u; asalakono impo'ala anu nahina tataano; 9ka pesomba kaangano: tarigu moiko ntu'u anu sinaloako lana: otolu ntia hopulu efa tiano sapi lakino atuu, orua ntia hopulu efa tiano bimba lakino anu asa atuu, 10ka asa ntia hopulu efa tiano sompo bimba inso a bimba anu opitu atuu; 11asa mbo'u bembe lakino gagi pesomba po'onini hala, saru pesomba po'onini hala powawa pesintuwua ka pesomba tinunu anu wela pinesombaako saru pesomba kaangano ka luwuno pesomba tinawano.
12 #
Pel. 23:16; 34:22; Win. 16:13-15 Ia oleo kohopulu ka olima wula ko'opitu atuu, asalakono impoweweu tepumpua mempori. Si mpo'angga mobea anggaa hapamokoa; asalakono impoweweuako Ira i Ue porame-ramea, opitu oleo tehineno. 13Asalakono impopesombaako pesomba tinunu, pesomba tinunu a api, gagi woo mokomawongko Ira i Ue: hopulu ka otolu sapi lakino mongura, orua bimba lakino, hopulu ka opaa bimba lakino anu tinuwuno asa nta'u; asalakono luwuno atuu nahina tataano; 14ka pesomba kaangano: tarigu moiko ntu'u anu sinaloako lana: otolu ntia hopulu efa tiano sompo sapi, inso a nsapi lakino hopulu ka otolu atuu, orua ntia hopulu efa tiano sompo bimba, inso a bimba lakino orua atuu, 15ka asa ntia hopulu efa tiano sompo bimba, inso a bimba hopulu ka opaa atuu; 16asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaangano ka pesomba tinawano.
17Ia oleo ko'orua pesombaakonomo hopulu ka orua sapi lakino mongura, orua bimba lakino, hopulu ka opaa bimba anu tinuwuno asa nta'u anu nahina tataano, 18saru pesomba kaangano ka luwuno pesomba tinawano, moiko luwuno a nsapi lakino, luwuno bimba lakino, maupo luwuno a bimba mongura atuu, anu hadiono montonda atora; 19asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka luwuno pesomba tinawano.
20Ia oleo ko'otolu pesombaakonomo hopulu ka asa sapi lakino, orua bimba lakino, hopulu ka opaa bimba anu tinuwuno asa nta'u anu nahina tataano, 21saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, hadiono montonda atora; 22asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaangano ka pesomba tinawano.
23Ia oleo anu ko'opaa pesombaakonomo hopulu sapi lakino, orua bimba lakino, hopulu ka opaa bimba lakino anu tinuwuno asa nta'u anu nahina tataano, 24saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba mongura atuu, hadiono montonda atora; 25asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.
26Ia oleo ko'olima pesombaakonomo osio sapi lakino, orua bimba lakino ka hopulu ka opaa bimba lakino anu tinuwuno asa nta'u anu nahina tataano, 27saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba mongura atuu, montonda hadiono ka atorano; 28asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.
29Ia oleo ko'onoo pesombaakonomo oalu sapi lakino, orua bimba lakino, hopulu ka opaa bimba anu tinuwuno asa nta'u anu nahina tataano, 30saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, anu hadiono montonda atora; 31asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka luwuno pesomba tinawano.
32Ia oleo ko'opitu pesombaakonomo opitu sapi lakino, orua bimba lakino, ka hopulu ka opaa bimba lakino anu tinuwuno asa nta'u anu nahina tataano, 33saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, anu hadiono montonda atorano; 34asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.
35Ia oleo ko'oalu asalakono impoweweu tepumpua langkai, si mpo'angga mobea anggaa hapamokoa. 36Asalakono impopesombaako pesomba tinunu, pesomba tinunu a api gagi woo anu mokomawongko Ira i Ue, onaemo asa sapi lakino, asa bimba lakino ka opitu bimba lakino anu tinuwuno asa nta'u anu nahina tataano, 37saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, anu hadiono montonda atora; 38asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.
39Onaemo luwu anu asalakono imeweweuako Ira i Ue ia luwuno oleo langkaimiu gagi luwuno pesomba tinunumiu, luwuno pesomba kaangamiu, luwuno pesomba tinawamiu ka luwuno pesomba tekaduduiamiu, saru luwuno pesomba pontangamiu ka luwuno pesomba a moputeno aroamiu.”
40Ka i'amba i Musa mepau a nto Isaraeli montonda luwuno parenta-Do i Ue ndi onae.
Currently Selected:
Podoaa 29: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
