Podoaa 28
28
Pesomba mo'oru ka pesomba ngkiniwia
28:1-8
1Mepau Ira i Ue ndi Musa, 2”Parenta iramo to Isaraeli ka pauako ira: Impetenunu ka ia tempo anu pinakosi asalakono imewawao luwuno pesomba ndi Ongkue gagi kaanga-Ku, onaemo pesomba tinunu anu woono Kupemoikoo. 3#Pel. 29:38-42Pauako iramo, ndiomo pesomba tinunu anu asalakono impesombaakono ndi Ondae i Ue: orua bimba lakino anu tinuwuno asa nta'u anu nahina tataano gagi pesomba tinunu anu wela pinesombaako sompo oleo; 4bimba anu asa asalakono weweuo tempono mo'oru, bimba anu susua asalakono weweuo tempono ngkiniwia, 5ka asa ntia hopulu efa tarigu moiko ntu'u weweua pesomba kaanga, sinaloako asa ntia opaa hini lana inso a nsaitu anu pinokomotutu. 6Onaemo pesomba tinunu wela pinesombaako anu pinakosi i wawono torukuno Sinai gagi woono anu mompokomawongko, asa pesomba tinunu ndi Ondae i Ue. 7Pesomba tinawa anu merongaakono asa ntia opaa hini a sompo bimba lakino; tawaomo inua anu mopokomolangu gagi pesomba tinawa ndi Ondae i Ue a mpo'ianga mempori. 8Bimba lakino anu susua, asalakono weweuo i tempono ngkiniwia. Asalakono weweuo mengkena kana pesomba kaanga i tempono mo'oru ka pesomba tinawano gagi pesomba tinunu anu woono mokomawongko Ira i Ue.”
Pesomba oleo Saba ka pesomba pompu'uano wula
28:9-15
9 #
Mat. 12:5
”Ia oleo Saba asalakono pinesombaako orua bimba lakino anu tinuwuno asa nta'u anu nahina tataano, orua ntia hopulu efa tarigu moiko ntu'u gagi pesomba kaanga anu sinaloako lana ka pesomba tinawano. 10Onaemo pesomba tinunu sompo Saba, sangkadio pesomba tinunu anu wela pinesombaako ka pesomba tinawano.
11Ia wula monguramiu asalakono impopesombaako gagi pesomba tinunu ndi Ondae i Ue: orua sapi lakino mongura, asa bimba lakino, opitu bimba anu tinuwuno asa nta'u anu nahina tataano, 12ka otolu ntia hopulu efa mbo'u tarigu anu moiko ntu'u gagi pesomba kaanga, sinaloako lana a sompo sapi lakino, saru orua ntia hopulu efa tarigu anu moiko ntu'u gagi pesomba kaanga, sinaloako lana a bimba lakino anu asa atuu, 13saru asa ntia hopulu efa tarigu anu moiko ntu'u gagi pesomba kaanga, sinaloako lana a sompo bimba; onaemo asa pesomba tinunu, woono anu mompokomawongko, asa pesomba tinunu ndi Ondae i Ue. 14Ka luwuno pesomba tinawano asalakono tiano asa sapi lakino entonga hini anggoro, tiano asa bimba lakino asa ntia otolu hini ka tiano asa bimba asa ntia opaa hini. Onaemo pesomba tinunu sompo wula mongura i larono asa nta'u. 15Ka asa bembe lakino, asalakono wineweu gagi pesomba po'onini hala ndi Ondae i Ue, saru pesomba tinawano, susua mbo'u pesomba tinunu anu wela pinesombaako.”
Pesomba a luwuno oleo langkai
28:16–29:40
16 #
Pel. 12:1-13; Win. 16:1-2 #
Ima. 23:5-44
”I larono wula anu amba-ambano, ia oleo anu kohopulu ka opaa wula atuu, hinao Pasa-Do i Ue. 17#Pel. 12:14-20; 23:15; 34:18; Win. 16:3-8Ia oleo anu kohopulu ka olima wula atuu, hinao oleo langkai; opitu oleo tehineno, asalakono impokaa roti anu nahi peragi. 18Ia oleo anu amba-ambano hinao tepumpua mempori, gagi si mpo'angga anggaa mobea, 19ka asalakono impopesombaako ndi Ondae i Ue gagi pesomba tinunu a api, gagi pesomba tinunu: orua sapi lakino mongura, asa bimba lakino ka opitu bimba anu tinuwuno asa nta'u; asalakono impo'ala anu nahina tataano. 20Gagi pesomba kaanga, asalakono imposalo tarigu anu moiko ntu'u sinaloako lana, onaemo otolu ntia hopulu efa tiano asa sapi lakino ka orua ntia hopulu efa tiano asa bimba lakino; 21asa ntia hopulu efa, asalakono ka usaloo tiano sompo bimba inso a bimba anu opitu atuu. 22Ka i'amba asa bembe lakino gagi pesomba po'onini hala weweua pesintuwuamiu. 23Luwuno atuu asalakono imensaloo gagi pontiangi a mpesomba tinunu mo'oru anu tewinso pesomba tinunu anu wela pinesombaako. 24Kanandio i wineweu sompo oleo i larono opitu oleo, asalakono impoweweu kaanga gagi pesomba tinunu anu woono Dopemoikoo i Ue. Pesomba atuu asalakono wineweu sangkadio pesomba tinunu anu pinakosi ka pesomba tinawano. 25Ia oleo ko'opitu, asalakono impoweweu tepumpua anu mempori; si mpo'angga angaa mobea.
26 #
Pel. 23:16; 34:22; Win. 16:9-12 Ia oleo pompesombaako hasili amba-ambano, i tempono impopesombaako pesomba kaanga wo'ohu ndi Ondae i Ue, a oleo langkai pokotampulaano opitu minggu, asalakono impoweweu tepumpua mempori, gagi si mpo'angga angaa mobea. 27I tempo atuu, asalakono impopesombaako pesomba tinunu gagi woo anu pinemawongko-Do i Ue: orua sapi lakino mongura, asa bimba lakino, opitu bimba anu tinuwuno asa nta'u; 28gagi mbo'u pesomba kaangano: tarigu anu moiko ntu'u sinaloako lana, onaemo otolu ntia hopulu efa tiano sompo sapi lakino, orua ntia hopulu efa tiano bimba lakino anu asa atuu, 29asa ntia hopulu efa tiano sompo bimba inso a bimba opitu atuu; 30asa bembe lakino weweua a pesintuwuamiu. 31Sangkadio inso a pesomba tinunu anu wela pinesombaako ka pesomba kaangano, asalakono imeweweuo luwuno atuu saru luwuno pesomba tinawano. Asalakono impo'ala anu nahina tataano.
Currently Selected:
Podoaa 28: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
