Podoaa 26
26
Sorodadu Isaraeli dinoa kompenduano
26:1-65
1 #
Pod. 1:1-46
Umarino pohuku atuu, mepau Ira i Ue ndi Musa ka ndi Eleasa, anano sando mpesomba Haruni, 2”Doaomo porokono luwuno bawaa Isaraeli anu tinuwuno rua pulu nta'u ka torea montonda pepe'etuado, luwuno mia anu polio metea i olodo to Isaraeli.” 3Ka i'amba i Musa ka sando mpesomba Eleasa motaeako ira i lembono Moabi, i wiwino koro Yarade umpeda i Yeriko, 4”Doaomo porokono luwuno mia anu tinuwuno rua pulu nta'u ka torea!” kana anu Dopeparentaako i Ue ndi Musa.
Ndiomo to Isaraeli anu mpeluarako iramo inso i wita Masiri:
5I Rube onaemo anano amba-ambano i Isaraeli; inuleno i Rube: inso ndi Heno sukudo to Heno; inso ndi Palu sukudo to Palu; 6inso ndi Heseroni sukudo to Heseroni ka inso ndi Karimi sukudo to Karimi. 7Onaemo atuu luwuno sukudo to Rube; luwuno mia anu binuri inso ndi ondae, porokono pato pulu ka otolu nsowu pitu etu ka tolu pulu mia. 8Anano i Palu onaemo i Eliabi, 9ka luwuno anano i Eliabi, onaemo i Nemueli, i Datani ka i Abirami. I Datani ka i Abirami ondaemo mia anu bininikido bawaa. Ondae atuu do'ewai iramo i Musa ka i Haruni i olodo bawaa anu mpetonda ndi Kora, tempono do'ewai Ira i Ue. 10Tolino menganga ka itele ira meronga saru i Kora. Bawaa anu tumondao atuu memate, tempono rua etu ka lima pulu mia atuu ikaano api, ka ondae gagi asa pepopoto'ori. 11Sine luwuno anano i Kora nahi domemate.
12Inuleno i Simeo montonda sukudo, onaemo: inso ndi Nemueli sukudo to Nemueli; inso ndi Yamini sukudo to Yamini; inso ndi Yakini sukudo to Yakini; 13inso ndi Sera sukudo to Sera ka inso ndi Saulu sukudo to Saulu. 14Onaemo luwuno sukudo to Simeo, rua pulu ka orua nsowu ka rua etu mia hadiono.
15Inuleno i Gadi montonda sukudo, onaemo: inso ndi Seponi sukudo to Seponi; inso ndi Hagi sukudo to Hagi; inso ndi Siuni sukudo to Siuni; 16inso ndi Osini sukudo to Osini, inso ndi Eri sukudo to Eri; 17inso ndi Arodi sukudo to Arodi ka inso ndi Areli sukudo to Areli. 18Onaemo luwuno suku inuleno i Gadi; luwuno mia anu binuri inso ndi ondae, porokono pato pulu nsowu ka lima etu mia.
19Luwuno anano i Yehuda, onaemo i Eri ka i Onani; sine i Eri ka i Onani mate i wita Kana'a. 20Inuleno i Yehuda montonda sukudo, onaemo: inso ndi Siela sukudo to Siela; inso ndi Peresi sukudo to Peresi ka inso ndi Sera sukudo to Sera. 21Inuleno i Peresi, onaemo inso ndi Heseroni sukudo to Heseroni ka inso ndi Hamuli sukudo to Hamuli. 22Onaemo luwuno suku Yehuda; Luwuno mia anu binuri inso ndi ondae, porokono pitu pulu ka onoo nsowu ka lima etu mia.
23Inuleno i Isakari montonda sukudo, onaemo: inso ndi Tola sukudo to Tola; inso ndi Pua sukudo to Pua; 24inso ndi Yasubi sukudo to Yasubi ka inso ndi Simironi sukudo to Simironi. 25Onaemo luwuno suku Isakari; luwuno mia anu binuri inso ndi ondae, porokono nomo pulu ka opaa nsowu ka tolu etu mia.
26Inuleno i Sebulo montonda sukudo, onaemo: inso ndi Seredi sukudo to Seredi; inso ndi Eloni sukudo to Eloni ka inso ndi Yahale'eli sukudo to Yahale'eli. 27Onaemo luwuno sukudo to Sebulo ka luwuno mia anu binuri inso ndi ondae, porokono nomo pulu nsowu ka lima etu mia.
28Inuleno i Yusupu montonda sukudo, onaemo to Manase ka to Eparai. 29Inuleno i Manase onaemo: inso ndi Makiri sukudo to Makiri; ka i Makiri me'anaakono i Gileadi; inso ndi Gileadi sukudo to Gileadi. 30Ndiomo inuleno i Gileadi: inso ndi Leseri sukudo to Leseri; inso ndi Heleki sukudo to Heleki; 31inso ndi Aserieli sukudo to Aserieli; inso ndi Sekemi sukudo to Sekemi; 32inso ndi Semida sukudo to Semida; ka inso ndi Heperi sukudo to Heperi. 33Kanatuumo i Selapehadi anano i Heperi nahi pe'ana ntama, sine butu ana beine. Needo luwuno anano beine i Selapehadi onaemo i Mahala, i Noa, i Hogela, i Milika ka i Tiresa. 34Onaemo luwuno suku Manase, luwuno mia anu binuri inso ndi ondae, porokono lima pulu ka orua nsowu ka pitu etu mia.
35Ndiomo inuleno i Eparai montonda sukudo: inso ndi Sutela sukudo to Sutela; inso ndi Bekeri sukudo to Bekeri ka inso ndi Tahani sukudo to Tahani. 36Ndiomo inuleno i Sutela: inso ndi Erani sukudo to Erani. 37Onaemo luwuno suku inuleno i Eparai; luwuno mia anu binuri inso ndi ondae, porokono tolu pulu ka orua nsowu ka lima etu mia. Onaemo inuleno i Yusupu montonda sukudo.
38Inuleno i Benami montonda sukudo, onaemo: inso ndi Bela sukudo to Bela; inso ndi Asabeli sukudo to Asabeli; inso ndi Ahirami sukudo to Ahirami; 39inso ndi Sepupami sukudo to Sepupami; ka inso ndi Hupami sukudo to Hupami. 40Luwuno anano i Bela, onaemo i Aredi ka i Na'ama; inso ndi Aredi sukudo to Aredi ka inso ndi Na'ama sukudo to Na'ama. 41Onaemo inuleno i Benami montonda sukudo; luwuno mia anu binuri inso ndi ondae, porokono pato pulu ka olima nsowu ka nomo etu mia.
42Ndiomo inuleno i Dani montonda sukudo: inso ndi Suhami sukudo to Suhami. Onaemo luwuno suku Dani montonda sukudo. 43Luwuno sukudo to Suhami, luwuno mia anu binuri inso ndi ondae, porokono nomo pulu ka opaa nsowu ka pato etu mia.
44Inuleno i Asieri montonda sukudo, onaemo: inso ndi Yimina sukudo to Yimina; inso ndi Yisiwi sukudo to Yisiwi; ka inso ndi Beria sukudo to Beria. 45Kanatuu mbo'u inuleno i Beria: inso ndi Heberi sukudo to Heberi ka inso ndi Malakieli sukudo to Malakieli. 46Neeno ana beineno i Asieri onaemo i Sera. 47Onaemo luwuno suku inuleno i Asieri luwuno mia anu binuri inso ndi ondae, porokono lima pulu ka otolu nsowu ka pato etu mia.
48Inuleno i Napatali montonda sukudo onaemo: inso ndi Yahase'eli sukudo to Yahase'eli; inso ndi Guni sukudo to Guni; 49inso ndi Yeseri sukudo to Yeseri ka inso ndi Silemi sukudo to Silemi. 50Onaemo luwuno suku Napatali montonda sukudo; luwuno mia anu binuri inso ndi ondae, porokono pato pulu ka olima nsowu ka pato etu mia. 51Onaemo luwuno mia anu binuri inso a nto Isaraeli, nomo etu ka asa nsowu pitu etu ka tolu pulu mia hadiono.
52 #
Pod. 34:13; Yos. 14:1-2 Mepau Ira i Ue ndi Musa, 53”A luwunomo suku atuu asalakono tinia wita atuu gagi tia pusaka montonda luwuno nee anu binuri; 54Anu hadio ira, asalakono upoweeako ira tia pusaka anu langkai, ka anu tedei ira, asalakono poweeako ira tia pusaka anu kodei. Singge mia asalakono pinoweeako tia pusaka menunu saru hadiono mia anu binuri. 55Sine wita atuu asalakono tinia mesala montende undi. Ondae asalakono mpohawe tia pusaka montonda neeno luwuno sukuno uempu'udo. 56Kana anu tinisono hasilino undi asalakono tinia tia pusaka a sompo suku i olono anu hadio ira ka anu tedei ira.”
57Ndiomo luwuno mia anu binuri inso a nto Lewi montonda sukudo: inso ndi Geresoni sukudo to Geresoni; inso ndi Kehati sukudo to Kehati; ka inso ndi Merari sukudo to Merari. 58Ndiomo luwuno suku Lewi; sukudo to Liboni, sukudo to Heberoni, sukudo to Mahali, sukudo to Musi ka sukudo to Kora. I Kehati mbo'u me'anaakono i Amirami. 59Neeno kombiano i Amirami, onaemo i Yokebe, ana beineno i Lewi, anu pine'anaako i wita Masiri. Ndi Amirami beine atuu me'anaakono i Haruni, i Musa ka i Miriami, pepaekompodo beine. 60#Pod. 3:2Ndi Haruni pine'anaako i Nadabi ka i Abihu, i Eleasa ka i Itamari. 61#Ima. 10:1-2; Pod. 3:4Sine i Nadabi ka i Abihu mate, tempono dopompesombaako pesomba api susua i aro-Do i Ue. 62Luwuno mia anu binuri inso ndi ondae, porokono rua pulu ka otolu nsowu mia, luwuno tama anu tinuwuno asa wula ka torea. Ondae nahi domebinuri meronga saru to Isaraeli, hangano nahi domempinoweeako tia pusaka i tonga-tongado to Isaraeli.
63Onaemo luwuno mia anu binurido i Musa ka sando mpesomba Eleasa, tempono doburi ira to Isaraeli i lembono Moabi i wiwino koro Yarade umpeda i Yeriko. 64I olodo nahina hinawe maupo te'asa mia anu binurido i Musa ka sando mpesomba Haruni, tempono doburi ira to Isaraeli i pada one Sinai. 65Hangano mepau Iramo i Ue mongkona ondae, ”Ondae asalakono memate i pada one.” Nahina maupo te'asa mia inso ndi ondae kongko tuwu sangkadio i Kalebi anano i Yepune ka i Yosua anano i Nuni.
Currently Selected:
Podoaa 26: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
