Nahumi 3
3
Pohuku a Niniwe
3:1-19
1Masolaomo kota po'uwua rea atuu!
Luwuno butu pegaupi,
bukeako porontua,
ka nahi penaa-naa pomperangkamia!
2Rongeo, unino ponsepi!
Rongeo, unino pelempano roda!
Ngara melulu mongkopa-kopa,
ka rerendeno kareta!
3Sorodadu mpengara mposapoi,
ponai kolanga-langa
ka kansai tesosangkilo!
Hadio anu pinepate ka wata ngkoroi anu moboo tehowu!
Wata ngkoroi nahi hori pingko,
mia mbo'u tetidu a wata ngkoroi atuudo!
4Tedoa hadio pebelesua inso a beine belesu,
tekosino minosisiriako ka pande alaro monsihiri,
a mpebelesuno ipopandei ira luwuno tongku
ka tino'orino a luwuno pe'etu.
5Kitao, Aku umewaiko,
kanandiomo pau-Do Ueno luwuakoano;
Aku sumungkeo tapu hawumu hawe a rupamu
ka mopokitao pomaliamu a luwuno tongku
ka wineweumu mosa'o a luwuno poparentaa.
6Aku metadiakono mokoburumu i wawomu,
weweuko tekoko'ii
ka gagi pengkitaa.
7Luwuno anu kumitako
ta molai bintako ka ipotae,
”Niniwe terawoomo!
Isemake anu ta sumabangio?
Inso isuake aku mo'ungke pontarerono?”
8Mentee ke omue moikoopo sekono Tebe, kota lahumoado to Amoni,
anu mpo'iangano i koro Nili,
ka uwoi lumimbuo,
tahi kana rereno,
ka uwoi kana benteno?
9Etiopia ka Masiri rosono,
anu nahina tidano;
To Puti ka to Libia onaemo anu tumulungio.
10Sine onae isa'a ta mewinso a pontadia,
lumako kana mia tinawa.
Luwuno nana'otedo mbo'u ta pinirego
a tompano luwuno sala;
a luwuno mia pinemota'uno tinende undi,
ka luwuno anu langkai potorono pinonguako rante.
11Omue mbo'u komolangu,
ka asalakono mewuni;
omue komo'ungke mbo'u
pepekaduduia inso a iwali.
12Luwuno pekorahakomu kana keu ara
saru wuano amba-ambano;
tewala rinensua rontaomo
a laro nganga anu kumaano.
13Kitaomo sorodadumu atuu,
ondae beine i tonga-tongamiu!
Luwuno pewowa langkaino witamu
te'ungkahi molue a iwalimu;
pingko ikaano api lansono pewowamu.
14Tambuomo uwoi umaropio pongkadua,
pokorosoomo luwuno pekorahakoamu!
Lolandaomo wita tengawu,
lolandaomo wita pulu,
iniomo poweweua watu tela!
15I ra'ai api ta pingko kumaako,
ponai ta batukiko,
ta kumaako kana kosume mpelonso.
Pokohadioomo koroimu kana kosume mpelonso,
pokohadioomo kana kosume mpelimba!
16Omue mokohadio ira mia mpebalu-balumu
lumaloio anano wula i langi,
sine kana kosume mpelonso domewileo panido ka mpenee memoliu.
17Luwuno puu mpodagaimu kana kosume mpelimba
ka luwuno pegawaimu kana pebawaano kosume,
ntetopa ira a rere
i tempono morini,
mansano saba oleo, mpolai ira moliu,
nahi tino'ori lakoado.
18Tedoa ira ntekoturi puu mpopakambimu,
hei mokole Asuri!
Luwuno mia pinemota'umu ntekoturi,
sorodadumu ntesiarawo a luwuno torukuno,
ka nahina anu pumpu ira.
19Nahina pakulino tepolindumu,
nahi tepakuli mobelamu.
Luwuno anu rumongeo lelemu
dompontopa-topaakomu;
Hangano isemake nahi aluo
poweweumu mosa'o anu nahina penaa-naaano?
Currently Selected:
Nahumi 3: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
