Mika 3
3
Pontata a mpetewawa ka nabi nahi mentee
3:1-12
1Umarino atuu kupotae, ”Imerongeomo, hei luwuno mia pinemota'uno i Yako,
ka luwuno petewawa suku Isaraeli!
Kombake tekona imento'orio moleoa,
2hei omiu anu umo'aliaakono moleoa ka anu kumekewoio mosa'oa?
Omiu anu mpoberi kuli ngkoroido tongkuku
ka ihi inso a luwuno wukudo,
3anu mongkaa baudo tongkuku,
ka mengkulio;
anu merawo-rawoo wukuno,
ka mebatu-batuo kana bau a laro ngkawali,
kana bau a laro ngkuro.
4Ondae te'ipua ira mpeboo-booli ndi Ondae i Ue,
sine nahi Ira sumangki;
Ira wunio rupa-Do ndi ondae i tempo atuu,
hangano luwuno mosa'oa anu wineweudo.
5Kanandiomo pau-Do i Ue a luwuno nabi,
anu mokopansia ira tongkuku.
Tewala hinao anu nginaino ngisido,
ondae mpebooliako sintuwu.
A mia anu nahi posimpuakono a ngangado,
dome'oluakono mpetea.
6Onaemo pu'uno luwuno ta gagi wongi ndi omue nahina tengkita,
ka gagi wongi-wongi ndi omue mompau anu nahi manasa ta gagi,
mata oleo ta sumooako ira nabi atuu,
ka oleo gagi worikidi ndi ondae.
7Luwuno puu mpongkita ira memongkoko'ii
ka luwuno mia mpompau anu nahi manasa ta gagi ira mpohawe tataado;
luwudo ira metompoo ngangado,
hangano nahina sangkino inso ndi Ondae Ue Ala.
8Sine ongkue andio bukeako roso,
saru Penaa-Do i Ue, saru moleoa ka moroso saru mosia,
ka pauo ndi Yako salano
ka ndi Isaraeli halano.
9Rongeomo andio, hei luwuno mia pinemota'u sukuno i Yako,
ka luwuno petewawado suku Isaraeli!
Hei omiu anu mokokowuereakono moleoa
ka anu mokomolengkuo luwuno anu moleo,
10hei omiu anu montadeakono rea Sioni
ka Yerusale montadeakono pobobarasaia!
11Luwuno mia pinemota'uno memputusio songka hangano pompowee nahi pototono,
ka sando mpesombano mompaguru hangano inowahi,
nabino mpompau anu nahi manasa ta gagi hangano doi,
kahinaano dompotae mpehonda ira ndi Ondae i Ue;
kombake Ondae i Ue kongko Ira i tonga-tongato!
Masolaa nahi ta umalu kita!”
12 #
Yer. 26:18
Onaemo pu'uno hangano omiu,
Sioni ta pinadeko kana lere,
Yerusale ta gagi howuno anu terawo,
ka torukuno raha mempori ta gagi pongku mentobu.
Currently Selected:
Mika 3: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
