Ponsabangi 5
5
Pekakai pinomule
5:1-22
1Irambeomo, oo Ue, hapa anu gagi ndi omami,
Ipensiroiomo ka Ikitaomo mongkokolaroamami.
2Tia pusakamami telimba a mia susua,
luwuno rahamami a mia mehawe.
3Omami megagi nana'ote nahina amamami,
ka inemami kana tuwu beine.
4Uwoimami kime'owahio ba kimpo'inu,
omami mpohawe keu kime'owahio.
5Omami melinulu tepo'umpeda,
memokendo kami, omami nahina penaa-naa.
6Omami metasiakono kaemami i Masiri,
ka a nto Asuri ka kimemowohiako roti.
7Amamami mpoweweu ira hala, ondae nami domekongko mbo'u,
ka omami anu mentembio mosa'oado.
8Puu pompekakaako meparenta kami;
nahina anu motola kami inso a ngkaedo.
9Ka doitoako matea hangano ponsapoino ponai i pada one,
asalakono kami mpo'ala kaangamami.
10Kulimami motaha kana pompuuria api,
hangano mongkokongirino mokoninggoa.
11Ondae mpedada mewowaliako ira beine i Sioni
ka ana beine a luwuno kota i Yehuda.
12Kaedo ndumoe ira luwu petewawa,
mia pinemota'u nahi domempinelangkai.
13Mia memongura asalakono mpontembi watu pogili,
nana'ote mentebangku hangano mobeano keu pino'aha.
14Mia pinemota'u nahi dompepumpu mbo'u a mpewowa langkai,
mangalitau mpenaa-naa mpemae katapi.
15Tampulaomo mawongkono aroamami,
po'ense-ensemami baali gagi po'inombo.
16Ramba-ramba ulu tedontaomo inso a ulumami.
Wainto kamipo, hangano mpoweweu kamimo hala!
17Hanganomo andio ka imahaki aroamami,
hanganomo andio matamami gagi mowewu:
18hangano pongku Sioni anu londa,
pelakopiado dahu mo'ila
19Omiu, oo Ue, mentoro a kadera poparentaa-Miu ranta nahina tampulaano,
kadera poparentaa-Miu kongko mpiha sompo tempo!
20Tembio ka Ikolupe kami ranta nahina tampulaano,
binta kami tehine ntu'u?
21Iwawa kamimo ndi Omiu, oo Ue, asalakono kami mpepokule,
Ipokowo'ohuomo oleomami kana i ndi'ipua!
22Ke, Itadi kamimo mpihake?
Tedoa Komiu tekudake ndi omami?
Currently Selected:
Ponsabangi 5: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
