Ponsabangi 4
4
Marasaino Sioni anu mongkokongiri
4:1-22
1Ha, momite ntu'u wulaa atuu,
wulaa mpena atuu baali;
watu mempori atuudo tetadiako
a nsiuno sompo sala.
2Luwuno nana'ote Sioni anu hinao olino,
anu mengkena saru wulaa motu'a,
mentee ntu'u ondae mentinudu kana kuro wita
wineweuno kaeno puu mpoweweu kuro.
3Sekono serigala meweengakono uono
ka mopo'uo ira anano,
sine ana beine a tongkuku gagi iramo melambaha
kana manu-manu unta i pada one.
4Elono nana'ote kodei metako
a langirano hangano mokoranga;
nana'ote mpo'ema ira roti,
sine nahina maupo te'asa mia mompowee.
5Anu leleo mongkaa anu memo'ahi
mate mokoninggo a nsala;
anu leleo mentoro a wawo mpa'ulua kirimisi
tepombole a howuno rompo.
6 #
Teg. 19:24
Mosa'oano ana beine tongkuku
lumaloio halano Sodomo,
anu asa mpiniro rinongka-rongka
nahina kae anu tumunduhio.
7Luwuno petewawa memorina irapo sekono seru baku
ka moputeopo sekono susu,
koroido motahaopo sekono oluti inso a watu motaha,
kana watu molowulu rupado.
8Kanandio-andio rupado mo'itoopo sekono awu halo,
a nsala nahi domentino'ori,
kulido tengkuru a wukudo,
mokari kana keu.
9Me'ura irapo anu memate hangano ponai
sekonopo ondae anu memate hangano mokoninggo,
anu mpe'isei ka memate
hangano nahina hasilino lere.
10 #
Win. 28:57; Yeh. 5:10 Saru kaeno ondaeno beine anu molusa-lusa
numahu ira anado,
gagi kaangado
tempono dontedonta ana beine tongkuku.
11Ondae i Ue motolao luwuno tekuda-Do,
umuwuo tekuda-Do anu tensila,
ka mokomelangao api i Sioni,
anu kumaano luwu empehino.
12Luwuno mokole i tolino nahi pine'ala-ala,
maupo luwuno palilino wawontolino,
nine ewaino ka iwali mokompewinso
a laro luwuno matubono Yerusale.
13Mongkona atuu gagi hangano halado nabino
ka mosa'oado sando mpesombano
anu i tonga-tongano me'uwuo
reano mia anu nahina salano.
14Kobangku-bangku ira kana mia morawu a nsala,
tesosa'aiako rea,
ranta nahi dompokotengku ira mia sangkado.
15”Peliahako! Mokoburu!” mia mpotae ndi ondae,
”Peliahako! Peliahako! Si tengkuo!”;
ka do'amba mpolai ka mpelakopi, onaemo ka dompotae tongku:
”Sii dompo'ia tehine mbo'u i ndi'ai.”
16Ondae i Ue sumiarawo ira,
nahi Dobehe mbo'u kumita ira.
Sando mpesomba nahi dompelangkai ira,
ka mia memota'u nahi dompehohawa ira.
17Matamami wela mpokekewoi
pontulungi, sine nahina tuduno;
inso a menara podagaia omami mposisikori
asa tongku anu nahi polio montulungi.
18Domempadasoo pelempamami,
ranta nahi kimpokompesala a luwuno tanalapamami;
umpedaomo tampulaano tumuwumami, sompoomo oleo ntumuwumami,
oo, haweomo tampulaano tumuwumami.
19Anu melulu kami memagasi irapo
sekono manu-manu rajawali i laromeene
domelulu kami a wawo ntorukuno,
mentowoki kami i pada one.
20Mia anu inurapi-Do i Ue, penaano tumuwumami,
kona rako a laro mpobolodo,
onae anu potaemami, ”A laro mpe'engoiano
kami mentuwu i olodo tongku.”
21Po'undemo ka mawongkomo, hei ana beine Edomi,
omue anu mo'iangario wita Usi,
ndi omue mbo'u ta hawe piala,
omue kogagi molangu ka u'amba mokoko'iio koroimu!
22Tepahihiomo salamu, ana beine Sioni,
nahi Ira wawako mbo'u i Ue a laro pontadia,
sine salamu, ana beine Edomi, Ira sumuloo,
ka luwuno halamu Ira mosabao.
Currently Selected:
Ponsabangi 4: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
