Yosua 19

Pusakado tongku Simeo

19:1-9

1Undia anu kompenduano meluarakoomo tiado tongku Simeo, tiado tongku inuleno i Simeo montonda pepe'etuado. Pusakado koongko i tongano pusakado inuleno i Yehuda. 2#1Taw. 4:28-33Anu gagi pusakado domewineeako: Bereseba, Seba, Molada, 3Hasari-Suali, Bela, Esemi, 4Elitola, Betuli, Horoma, 5Sikila, Beti-Hamarakabo, Hasari-Susa, 6Beti-Lebao ka Saruheni; hopulu ka otolu kota ka luwuno iniano; 7Eni-Rimoni, Eteri, ka Asani; opaa kota ka luwuno iniano; 8ka luwuno inia lumimbuo kota anu hieno, hawe i Ba'alati-Be'eri, onaemo Rama anu i Wita Selata. Onaemo tuu pusakado tongku inuleno i Simeo montonda pepe'etuado. 9Pusakado inuleno i Simeo inala inso ia tiado inuleno i Yehuda. Hangano tiano inuleno i Yehuda atuu dompemaluao lahi, onaemo ka inuleno i Simeo mpohawe tia pusaka i olodo.

Pusakado tongku Sebulo

19:10-16

10Undia anu kopentoluno meluarakoomo tiado inuleno i Sebulo montonda pepe'etuado. Tida pusakado hawe i Saridi. 11A sumooano oleo tidado atuu morake i Marala, tepohawe i Dabesete, ka i'amba tepohaweakono korono anu waa lumaloo Yokeneamo. 12Inso i Saridi tida atuu mepokule i sabaano oleo, lumaloo wita Kisilo-Tabora, tetutu i Dobora, morake lako i Yapia; 13inso i ra'ai motilalo i sabaano oleo, lumako i Gati-Heperi, lumako i Eti-Kasini, tetutu i Rimoni, ka melengkuako i Nea. 14Ka i'amba tida atuu melengkuako tumanggolilio i utara Hanato, ka pokotompaano i lembono Yipita-Eli. 15Ka i'amba Katati, Nahalali, Simoroni, Yidala ka Beteleme; hopulu ka orua kota saru luwuno iniano. 16Onaemo atuu pusakado inuleno i Sebulo montonda pepe'etuado.

Pusakado tongku Isaka

19:17-23

17Undia anu ko'opa meluarakoomo tiado tongku Isaka montonda pepe'etuado. 18Witado onaemo Yisireeli, Kesulo, Sune, 19Haparai, Sioni, Anahara, 20Rabiti, Kisoni, Ebesi, 21Remeti, Eni-Gani, Eni-Hada, ka Beti-Pasesi. 22Tida wita atuu tepohawe i Tabori, Sahasima ka Beti-Seme ka tida witado metompaako i Koro Yarade; hopulu ka onoo kota ka luwuno iniano. 23Onaemo pusakado tongku inuleno to Isaka montonda pepe'etuado.

Pusakado tongku Asieri

19:24-31

24Undia anu ko'olima meluarakoomo tiado tongku inuleno i Asieri montonda pepe'etuado. 25Witado onaemo Helekati, Hali, Beteni, Akasa, 26Alamele, Amadi ka Misali; ka tidano tepohawe a torukuno Karameli, ka koro Lebinati, i sumooano oleo; 27Ka i'amba mepokule i sabaano oleo, i Bati-Dago, tepohawe i wita Sebulo, ka lembono Yipita-Eli i utara, Beti-Eme ka Nehieli, ka te'aro i Kabuli utara, 28ka te'aro i Eberoni, Rehobi, Hamoni, ka Kana hawe i Sidoni Langkai. 29Ka i'amba tida atuu mepokule i Rama ka hawe i kota anu benteno Tirusi, ka i'amba tida atuu mepokule i Hosa ka pokotompaano i tahi. Ka i'amba mbo'u Mahalabi, Akasibi, 30Uma, Apeki ka Rehobi; rua pulu ka orua kota saru luwuno iniano. 31Onaemo tia pusakado inuleno i Asieri montonda pepe'etuado.

Pusakado Tongku Napatali

19:32-39

32Meluarako undia anu ko'onoo tiado inuleno i Napatali, montonda pepe'etuado. 33Witado mompu'u inso i Helepi, keu tarabanti i Sa'ananima, Adami-Neke ka Yabine'eli, hawe i Lakumi, ka pokotompaano i Koro Yarade. 34Ka i'amba tida atuu mepokule i sumooano oleo lumako i Asanoti-Tabori, inso i ra'ai itosio Huko, itepohaweakono wita Sebulo i selata, tepohaweakono wita Asieri i sumooano oleo ka wita Yehuda i koro Yarade, i sabaano oleo. 35Luwuno kota anu mebente onaemo Sidimi, Seri, Hamati, Rakati, Kinereti, 36Adama, Rama, Hasori, 37Kedesi, Ederei, Eni-Hasori, 38Yiro, Migida-Eli, Horemi, Beti-Ana, ka Beti-Semesi; hopulu ka osio kota ka luwuno iniano. 39Onaemo pusakado tongku inuleno i Napatali montonda pepe'etuado.

Pusakado tongku Dani

19:40-48

40Tiano tongku Dani montonda pepe'etuado meluarako undia anu ko'opitu. 41Wita pusakado onaemo Sora, Esitaoli, Iri-Semesi, 42Saalabi, Ayalo, Yitila, 43Eloni, Timina, Ekeroni, 44Eliteke, Gibeto, Ba'alati, 45Yehu, Bene-Bera, Gati-Rimo, 46Me-Yarakoni ka Rako, saru wita anu i asambalino Yapo. 47#Mpo. 18:27-29Hangano witado inuleno i Dani tedoa dompemoholoo, melako iramo inuleno i Dani atuu ka dompetea umewaio kota Lesemi. Donangi ira, do'impahiako ira ponai ka dompetorokio. Mpo'ia iramo i ra'ai ka domeneeakono Lesemi atuu Dani, montonda neeno i Dani, amado anu umule ira. 48Onaemo atuu pusakado tongku inuleno i Dani montonda pepe'etuado.

Pusakano i Yosua

19:49-51

49Mansado to Isaraeli umari mpetiao wita atuu gagi pusakado montonda luwuno witado, ndi Yosua anano i Nunu wineeako pusakano i olodo. 50Menunu ka pau-Do i Ue domeweeakono kota anu inemano, onaemo Timinati-Sera a mentorukuno Eparai. Kota atuu iwanguo ka mo'iaomo i ra'ai.

51Onaemo atuu pusaka anu inundido i olodo luwuno tongku to Isaraeli i Silo itempono sando mpesomba Eleasa, ka i Yosua anano i Nunu ka luwuno petewawa pepe'etua i aro-Do i Ue pewowano Kema Tepumpua. Kanatuumo dompetiao wita atuu.

Currently Selected:

Yosua 19: XMZ

Highlight

Compare

Copy