Yosua 1
1
Parenta-Do i Ue ndi Yosua ka irontuo wita Kana'a
1:1-18
1Mansano mate i Musa tetenaado i Ue, mepau Iramo i Ue ndi Yosua anano i Nunu, tetenaado i Musa atuu, kanandio, 2”Tetenaa-Ku i Musa mateomo; gagi kanandio pepatindamo, pesakiako i Koro Yarade andio, omue ka luwuno tongkumu, ka ulako ia inia anu Aku weako ira, ia to Isaraeli atuu. 3#Win. 11:24-25Sompo wita pelandaamu Aku weeakomiu, kana anu Kudandiakono i Musa. 4Inso i pada one ka torukuno Libano anu i asambalino atuu hawe ia ngkorono langkai, onaemo Koro Eparata, luwuno witado to Heti, hawe ia Ntahi Langkai i sookano oleo, luwuakoano atuu ta gagi witamu. 5#Win. 31:6, 8; Ibr. 13:5Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako. 6#Win. 31:6, 7, 23Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako. 7Tendeano, peteao ka pokorosoo aroamu tem oleo aroa, pompe'inandai ba upelelu montonda songka anu itenaakomu i Musa, tinena-Ku ndi omue, sipansia i koana ke imanggali, ka ume'ura isuamokoa ulako. 8Sitekolupe popauo wunta Taura andio, sine penootio ia meene ka woongi, ka upompe'inandai koa melelu montonda luwuno anu teburi ilarono, nde ba kanandio pelempamu ta moiko ka kome'ura. 9Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”
10Metenaomo i Yosua, ia luwuno petewawa sorodadudo tongku atuu, ipotae, 11”Imelakomo ia luwuno kemado ka utena ira, kanandio: Imempatindao kaangamiu, nde ilarono otolu oleo komiu mensakio koro Yarade andio ka komiu melako mensapoio inia anu Ira wee komiu i Ue, Ue Alamu, ka impo'iangario.”
12 #
Pod. 32:28-32; Win. 3:18-20; Yos. 22:1-6 A nto Rube, ka nto Gadi, ka ia tongku Manase asantia atuu motaeomo i Yosua, kanandio, 13”Impewowoloo pe'oliwino i Musa tinena-Do i Ue atuu, ndi omiu kanandio: Ondae i Ue, Ue Alamu Ira weeakomiu rodoa ka inia andio; 14Luwuno beine, ka nana'otemiu, ka pinotuwumiu, moiko impo'ia ia inia anu iweakomiu i Musa ndi omiu anu i asatowano koro Yarade, sine omiu luwuno pongkiari anu mosia ntu'u, asalakono komiu mpesakiako mpese'elungi ira pepaekompomiu saru sangka mpetea, ka imentulungi ira, 15ranta Ondae i Ue moweeako ira rodoa ia pepaekompomiu kanakoa mbo'u ndi omiu, ka ira mbo'u impo'iangario inia anu ta weeako ira i Ue, Ue Alamu. Umari atuu moikoomo impekule i inia miu ka impo'iangario anu iweakomiu i Musa tetenaa-Do i Ue atuu i asatowano koro Yarade, te'alaako i sabaano oleo.” 16Onaemo ka domesangkio i Yosua, dompotae, ”Luwuno anu itenaakami, kami meweweuo, isua koa kimentinena kami melako; 17kana kimperorongeakono songkano i Musa, kanatuu koa mbo'u kimperorongeakomiu. Butu, Ondae i Ue, Ue Alamu, Ira wela kumongkomi komiu, kana Dokongkomio i Musa. 18Isemamokoa anu umewaio petenamiu ka nahi perorongeakono paumiu, hapamokoa itenaakono, ta hinuku mate. Butu, peteao ka pokorosoo aroamu!”
Currently Selected:
Yosua 1: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
