Yunu 2
2
Pekakaino i Yunu a kompono Bou
2:1-10
1I Yunu mekakai ndi Ondae i Ue, Ue Alano, inso a laro kompono bou atuu, 2ipotae,
”A laro masusaaku mebooli aku ndi Ondae i Ue,
ka Dosangki aku,
inso a laro po'iangado mia mate kupebooli,
ka Irongeo pebooliku.
3Ipetadiakunemo a mpo'ianga anu ondalo,
a mpuheno tahi molue,
uwoi mansolo sumampu aku;
luwuno peleluno bomba ka bomba-Miu
tumutuwi aku.
4Umarino atuu kupotae: teponsia akumo inso i aro-Miu.
Da aku koa kumitao mbo'uke raha-Miu anu mempori?
5Luwuno uwoi kumadu aku, ta sumolangio penaaku,
uwoi a ondaloano sumampu aku;
ewo ntahi wewesio uluku.
6A mpu'uno luwuno torukuno kupetii,
toondu a empehino tolino;
tondono telanso i bungkuku nahina tampulaano.
Tempono atuu Itandeo penaaku inso a laro ngkaburu,
oo Ue, Ue Alaku.
7Tempono sumangaku molema,
terorambe akumo ndi Omiu Ue,
ka haweomo pekakaiku ndi Omiu,
a raha-Miu anu mempori.
8Ondae anu mpe'ini a lahumoa nahina pengkonaano
bara'ura domebintao petenunudo.
9Sine ongkue, saru po'undeku
aku mompesombaako pesomba ndi Omiu;
hapa anu kutangao aku umowahio.
Inso ndi Ondae i Ue tekaduduia!”
10Ka i'amba mepau Iramo i Ue a bou atuu, umarino atuu i Yunu iluao a wita.
Currently Selected:
Yunu 2: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
