Ayubi 40
40
Ondae i Ue umaropio i Ayubi
40:1-9
1Ka i'amba inso a laro angi mokora Ondae i Ue sumangkio i Ayubi,
2”Omue pepatindamo kana tama,
Aku sumikenoko, ka upaua-Kune.
3Nde nahi kotumondaoke pobitara-Ku,
mokonsala Aku ka mokomenteeo koroimu?
4Nde tokiamuke kana tokia-Do Ue Ala,
ka kopolioke merunduako suara kana Ondae?
5Koroimu ramba-rambaakonomo telelea ka marambaa,
pokonaomo sangka pompelangkai ka mewanta!
6Luarakonomo bombano tekudamu;
poposoo sompo mia anu mompelangka-langkai ka pokongkodeiomo!
7Poposoo sompo mia anu mompelangka-langkai, pokompetuunduomo,
ka pokotampulaomo mia mosa'o gauno a mpo'iangano!
8Tano iramo mperonga-ronga a laro pampawu,
uko iramo a mpo'ianga anu tewuni.
9Ka aku mbo'u umunde-undeko,
tewala kae ngkoanamu moweeko ponangia.”
Gambarano mongkona ngara nili
40:10-19
10”Poposoomo ngara nili, anu Kuweweuomo kana koa mbo'u omue.
Onae mongkaa ewo kana sapi.
11Poposoomo roso a ntongano,
roso a luwuno ia kompono!
12Ipontadeo ikino kana keu arasi,
ihi mpa'ano mpe'ena-ena.
13Luwuno wukuno kana pipa mala,
rangka wukuno kana watano labu.
14Onae amba-ambano Doweweuo Ue Ala,
anu hinao penaano Dopoweeakono parewa mpeteano ponai;
15oo, luwuno pongku moluarako hasili tiano,
luwuno kondehora mo'ila mpepalindo i ra'ai.
16Onae mepombole a ntoto pinopaho teratai,
tewuni a laro ewo gelaga ka epe.
17Onae meneo a eo-eono pinopaho tabo-tabo,
ilimbuo keu gandarusa.
18Menteeano, maupo mansolo korono, nahi mondende;
onae nahi danggara, maupo lulua Koro Yarade hawe a ngangano.
19Ira mpokorakoo miake onae inso i arono,
mengkalo'engeakono koloro sama?”
Gambara mongkona lewiata
40:20–41:25
20 #
Pud. 74:14; 104:26; Yes. 27:1 ”Komokodiiakono pomekake lewiata,
ke dumiiakono koloro elono?
21Kopolioke mompokonaakono koloro lauro a engeno,
dumuhuakono kai a aseno?
22Nde ta hadioke ipompau po'emano mepepehohawa ndi omue,
ke mepau molusa-lusa ndi omue?
23Nde ta moweweu pedandia ke saru omue,
onaemo ka u'alao gagi ata ranta nahina tampulaano?
24Kopolioke memae-maeakono kana manu-manu,
ka tumanggoo tiado anamu beine?
25Nde ira me'asao puu mporako bouke onae,
ke mentia-tiaako ira i olodo puu mpebalu-balu?
26Kopolioke meduhuakono sarampa a ngkulino,
ka saru kansai a uluno?
27Naaomo kaemu i wawono!
Pewowoloomo peteano! Nahi koweweuo mbo'u!
28Menteeano, pomperorohimu mooa!
Da'iaopo ikinita, mia tebangkuomo.
Currently Selected:
Ayubi 40: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
