Ayubi 4
4
LAMORO 4–31
PEPAU-PAUNO I AYUBI SARU LUWUNO SAMBE'ENO
I Elipasi kumuahakono i Ayubi
4:1–5:27
1Mepauomo i Elipasi, to Temani,
2”Me'o'olekoke, ba dompo'arahako mia mpepauakomu?
Sine isemake anu mokompekomu mpiha?
3Menteeano, hadioomo mia pinagurumu,
ka kae anu molema upokorosoomo;
4mia anu tedonta waliomo tinandeako paumu,
ka olontuu anu nami moroso upokorosoomo.
5Sine kanandio-andio, koroimu anu inaluno, ka me'o'oleko,
koroimu anu kona, ka omue tededengke.
6Kombake doitoako Ira Ue Ala gagi pehondaamu,
ka pesombano ntu'u tinuwumu ta gagi pomperorohimu?
7Penootiomo andio: isemake anu mate nahina salano
ka isuake domempinepate mia anu moleo?
8Anu kukitaomo onaemo nine mia anu mompadeko mosa'o
ka morawo masusaa, onae koa mbo'u sinowino.
9Ondae memate hangano penaa-Do Ue Ala,
ka moliu hangano pepuurino enge-Do.
10Singa mengaoli, singa meraali,
tepuduomo ngisido singa mongura.
11Singa mate hangano makura kaanga,
ka luwuno anano singa waino ntesiarawo.
12Asa pe'oliwi pinohaweomo ndi ongkue nahina tumo'orio
ka biriku rumongeo petanga-tangano,
13tempono mo'ia mewowoloo mongkona linolaro wongi,
tempono mia tesese a laro mpoturino rodo.
14Doito ka mondende pabawai aku,
ka luwuno wukuku mondidi-ndidi.
15Asa penaa lumalo aku,
singkaomo wulu rumbaku.
16Hinao asa rupa menaa-naa, sine rupano nahi kuto'orio.
Asa tadeno koroi kongko i arono mataku,
pau metanga-tanga kurongeo:
17Gagi koake asa mia mentee i aro-Do Ue Ala,
gagi koake asa mia mempori i aro-Do anu Mokogagio?
18Kitaomo, tetenaa-Do nahi Dompe'ala-ala ira,
maupo mala'eka-Do Dohawe ira mepansia.
19Tamoako mbo'u ondae anu mpo'ia a laro laika wita pulu,
anu empehino a laro pampawu, anu mate tehidi kana ule-ule!
20Mompu'u mo'oru hawe ngkiniwia domempinokotampula
ka nahi domempinerio memate ranta nahina tampulaano.
21Komba binutake kemado?
Ondae mbo'u memate nahina ponto'ori.
Currently Selected:
Ayubi 4: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
