Ayubi 23
23
Pepokomenteeno i Ayubi i aro-Do Ue Ala
23:1-17
1Sine sumangki i Ayubi,
2”Kanandio-andio pompemasusaku gagi pe'ewa,
kae-Do mobea dumanso aku ranta ka kupepetulungi.
3Ha, ande-andeno kuto'orio isua kuhawe Ira,
ka moiko ku'aiwa a mpo'ianga-Do.
4Aku pauo luwu teweweuku i aro-Do,
ka ngangaku aku buketiakono pau pepokomentee.
5Aku tumo'orio luwuno sangki-Do ndi ongkue
ka aku mokonto'orio hapa anu pinau-Do ndi ongkue.
6Nde Ira mekara-karaakune a laro tedoa pabawa-Do?
Naahi, menteeano Ira mekakaakune.
7I ra'ai mia moleo ira mpokomenteeo koroido i aro-Do,
ka aku tola inso a mpuu mpobitaraku ranta nahina tampulaano.
8Menteeano, ba kupelempa lumako i sabaano oleo, komba i ra'ai Ira;
ke i sumooano oleo, nahi kuhawe Ira;
9i utara ku'ungke Ira, nahi Dotengkita,
mepokule aku i selata, nahi kukita Ira.
10Hangano Doto'orio sala ntumuwuku;
ande-andeno Do'arahako aku, aku meluarako kana wulaa.
11Karuku tumondao mpiha hanga ngkaru-Do,
aku tumondao pesalaa-Do ka nahi kupansia.
12Parenta inso a wiwi-Do nahi kulimpaio,
i laro aroaku kunaao pinau-Do.
13Sine nahi Dohori bali, isema moko'onsoi Ira?
Hapa anu inehe-Do Doweweuo.
14Menteeano, Ira moko'umario hapa anu Dopakosio ndi ongkue,
ka hadio mbo'u mongkona anu kanatuu kongko ndi Ondae.
15Onaemo pu'uno ka kupondidi-ndidi umaropi Ira,
tewala kupewowoloo luwuno atuu, kudoitoako Ira.
16Doweweuomo Ue Ala aroaku doito,
Doweweu akumo Anu Tedoa Pabawa mondidi-ndidi.
17Menteeano, kumate komba hangano wongi-wongia,
komba mbo'u hangano rupaku itutuwio wongi mpusu.”
Currently Selected:
Ayubi 23: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
