Ayubi 17
17
1Rosoku tepudu, tinuwuku pingko,
ka pekaburuaku tetinda.
2Menteeano, ongkue gagi pasinggiria;
mataku merokuhi sumakosiio pe'ewado.
3Po'ineeomo Omiu gagi pe'iniaku ndi Omiu!
Isema mbo'u anu polio moweweuakune tepo'asaa mpau?
4Hangano Ipokomoteao aroado onaemo kanahi dompokonto'orio;
onaemo pu'uno nahi Komiu mo'inee ira mponangi.
5Isema anu kumalakio sambe'eno ta mo'ungke ponangia,
matado anano ta gagi morawu.
6Gagi akumo pasinggiria i olodo tongku,
ka ongkue gagi mia anu inonui rupano.
7Mataku gagi mowewu hangano mahaki aroa,
asa ngkoroiku kana eo-eo.
8Mia memoleo mengkohali-hali hangano mongkona atuu,
ka mia anu nahina salano tesingka tekuda a mia mosa'o gauno.
9Maupo kanatuu mia mentee kongko a nsalano,
ka mia anu nahi poweweu mosa'o tekense moroso.
10Sine luwumiu, wali ime'aropi aku!
Te'asa mia anu monto'ori nahi kupohawe i olomiu!
11Tinuwuku laloomo, nahina anu gagi luwuno tinooku,
po'eheno aroaku.
12Wongi ira mpokogagio meene; dompotae,
”wanta ronga me'umbaako inso a wongi-wongi.”
13Tewala kuperorohio po'iangado mia mate gagi rahaku,
mompatinda poturiaku a laro wongi-wongia,
14ka motae a ngkaburu kineke: Omue amaku,
a wingo: Ineku ka pepaekompoku beine,
15ka isuaomoke pomperorohiku?
Isemake kumitao pomperorohiku?
16Luwuno pomperorohi ta tondu i totono po'iangado mia mate,
tewala meronga kami metii a laro pampawu.
Currently Selected:
Ayubi 17: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
