Ayubi 16
16
I Ayubi me'anaiki mongkona poweweu-Do Ue Ala
16:1–17:16
1Sine sumangki i Ayubi,
2”Anu mongkona kanatuu mararuomo kurongeo.
Luwumiu butu puu mpontarero anu mompokomasusa!
3Napi pingkoke pau anu nahina tuduno atuu?
Hapa anu popandeiko ka nahi utarimao?
4Aku koa mokompepau mbo'u kana omiu,
ande-andeno omiu a mpo'iangaku;
aku mompotuda pau ndi omiu,
ka kupobitu-bitu uluakomiu.
5Aku mokorosoakomiu ngangaku,
ka nahi aku umontoo wiwiku ka ipontarero.
6Sine tewala ongkue mepau, pompemarasaiku komba gagi monongko,
ka tewala komino aku, hapake anu tetadi inso ndi ongkue?
7Kanandio-andio, Omiu oo Ue Ala, Iweweu akumo mokendo
ka mokotampulao luwuno somboriku.
8Irako akumo, Ndiomo anu gagi sakosii;
morungkuku mentadeomo tumuluri aku.
9Tekuda-Do momperangkami ka me'iwaliakune,
Ondae mokingkio ngisi-Do ndi ongkue;
iwaliku kumitaakune matano montaso.
10Domewileo ngangado ndi ongkue,
kombisiku tinampeleako pompepaukiako, ka mperonga-ronga dumuduluhi aku.
11Ondae Ue Ala meweengakune a mia melambaha,
ka dumontai aku a ngkaedo mia mosa'o gaudo.
12Ongkue tuwu rodo, sine Ondae mokonsalalaro aku,
ongkue Do'ini aku moroso a banga we'uku, ka Do'amba mepasiakono,
ka Dopontade aku gagi pompotiia-Do.
13Ongkue inusaiako ana mpana,
wua horiku Dolompahio nahina pompehohawa,
upeuku Do'uwuo a wita.
14Doberi-beri aku,
sumapoi aku kana asa puu mpetea.
15Sawu po'inombo kuseuomo a ngkuliku,
ka tanduku kuwinsoo a laro pampawu;
16rupaku motaha hangano mengese,
ka wulu mataku iborungio worikidi,
17maupo nahina poweweu lambaha a ngkaeku,
ka pekakaiku moleo inso i aroaku.
18Hei tolino, siimo tutuwio reaku,
ka pebooliku siimo ipohawe penaa-naaano!
19To'oriomo, kanandio-andio mbo'u, Sakosiiku kongko i suruga,
Anu mesakosiiakune kongko a mpo'ianga anu mantande.
20Maupo domempasinggiri aku sambe'eku,
te'aro ndi Ondae Ue Ala mataku mentombu saru mengese,
21ka Doputusio kara-kara olono mia ka Ondae Ue Ala,
ka olono mia ka pe'asa miano.
22Hangano ta hawe luwuno ta'u anu dinoa,
ka aku tumondao sala, inso isua nahi aku mekule mbo'u.”
Currently Selected:
Ayubi 16: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
