Yeremia 47
47
Mongkona to Pelisiti
47:1-7
1 #
Yes. 14:29-31; Yeh. 25:15-17; Yoe. 3:4-8; Amo. 1:6-8; Sep. 2:4-7; Sak. 9:5-7 Pau-Do i Ue anu hawe ndi Nabi Yeremia mongkona to Pelisiti, se'eluno Gasa napi nangio i Pirao.
2”Kanandiomo pau-Do i Ue,
Kitao, uwoi anu mewuatako mompolomo inso i utara
gagi korono anu mowo,
sumampuo wita saru ihino,
kota saru palilino.
Mia ira mpebooli,
ka luwuno palilino wita andio ira mponsabangi,
3rumongeo unino pongkopa-kopano kukuno ngara,
rerendeno kareta, kekereno bolano.
Ama nami dompewolili a anado,
hangano kaedo telusaomo.
4Hangano, haweomo oleono
ka ipepate ira luwuno to Pelisiti,
ka mokotampulao inso i Tirusi ka Sidoni
sompo pontulungi anu da mo'ia.
Mentee ntu'u, Ondae i Ue Ira mepate ira to Pelisiti,
mia anu da mentuwu me'aiwa inso i Togo Kapitori.
5Gasa londaomo,
kota Asikeloni terawo komino;
hei Asidodi, to Enaki anu da mentuwu,
opiapo mbo'u tehineno usosorekio koroimu?
6Ha, ponai-Do i Ue,
opiapo mbo'u tehineno ka u'amba menaa-naa?
Wali pewinso a laro tampimu,
pomperodomo ka penaa-naamo!
7Sine, kana'umpe ta mokompenaa-naa?
Kombake Ondae i Ue parentao?
Lumako i Asikeloni ka i wiwi ntahi,
i ra'aimo Dotenao!”
Currently Selected:
Yeremia 47: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
