Yeremia 45
45
Pontarero tiano i Baruki
45:1-5
1 #
2Mok. 24:1; 2Taw. 36:5-7; Dan. 1:1-2 Pau anu pinohaweno Nabi Yeremia ndi Baruki anano i Neria, tempono ta'u ko'opaa poparentaano i Yoyaki anano i Yosia, mokoledo to Yehuda, i Baruki burio pau a asa wunta, rumongeo inso a ngangano i Yeremia, 2”Kanandiomo pau-Do i Ue, Ue Alado to Isaraeli, mongkona omue, hei Baruki! 3Omue motae, ’Masola akumo, hangano Dotiangiomo i Ue masusaa a marasaiku! Ongkue mokendo hangano pompemasusaku ka nahi kupohawe rodoa.’ 4Pauakono: kanandiomo pau-Do i Ue: Menteeano, hapa anu winangu-Ku Aku betao, ka hapa anu pinaho-Ku Aku butao, maupo asa wawo wita! 5Nde kana'umpe omue umungke ira anu langkai tiamu omuemu? Si ungkeo! Hangano, menteeano, Aku mompotii masolaa a luwuno anu tuwu, kanandiomo pau-Do i Ue, sine penaamu omuemu Aku dumagaio a luwuno po'ianga maupo ba isua ulako.”
Currently Selected:
Yeremia 45: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
