Hosea 6
6
1”Aiwamo tompepokule ndi Ondae i Ue,
hangano momperangkami Iramo, sine Ira mokotompa kita,
monsepi Iramo, sine Ira walu kita.
2Ira motuwu kita umarino orua oleo,
ia oleo ko'otolu Ira wangu kita,
ka kita mentuwu i aro-Do.
3Aiwamo tomento'orio ka mentee ntu'u tumo'ori Ira i Ue;
manasa Ira me'umbaako kana wanta,
Ira hawe ndi ontae kana usa,
kana usa tempo pinopaho mentumba anu umuwoio tolino.”
4Hapa anu Aku weweuo ndi omue, hei Eparai?
Hapa anu Aku weweuo ndi omue, hei Yehuda?
Pompehohawamu kana gawu mo'oru,
ka kana tontoru anu moliu tempono mo'oru.
5Onaemo pu'uno Aku puro-puro ira molalo luwuno nabi,
Aku mepateako ira pau a nganga-Ku,
ka songka-Ku meluarako kana mewine.
6 #
Mat. 9:13; 12:7 Hangano inehe-Ku petenunu mompehohawa ka komba pesomba sinumbele;
Inehe-Ku ponto'oria mongkona Ondae Ue Ala, laluaopo sekono pesomba tinunu.
I Eparai nahi behe tepidi
6:7–7:2
7Sine kana i Adama, domelinggeiomo pedandia,
nahi dompesomba ndi Ongkue i ra'ai.
8Gileadi onaemo kotado mia melambaha,
bukeako hanga rea.
9Kana gerombola anu montowoki mia,
kanandiomo tepo'asaado sando mpesomba;
ondae mpompepate a nsala lumako i Sikemi,
mentee ntu'u, mpoweweu ira tataa.
10I olodo to Isaraeli Kukitaomo luwuno mongkona anu mongkokongiri;
i ra'ai pebelesuano i Eparai, i Isaraeli weweuo koroino mokoburu.
11Tiamu mbo'u, hei Yehuda, tinantuiomo ponsowia:
tewala Kupokotompao teweweudo bawaa-Ku.
Currently Selected:
Hosea 6: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
