Hosea 14
14
1Samaria asalakono tumembio salano,
hangano onae umewa ndi Ondae Ue Alano.
Ira memateako ponai,
luwuno anadalono ta pinerego
ka luwuno beineno anu mentia ta binonsi kompono.
Tepidido to Isaraeli ka dandi-Do i Ue
14:2-9
2Pepokulemo, hei Isaraeli ndi Ondae i Ue, Ue Alamu,
nde tetidukomo hangano salamu.
3Wawaomo perongaakono luwuno pau andio,
ka pepokulemo ndi Ondae i Ue;
pepaumo ndi Ondae,
”I'oniniomo luwuno saala,
ka Itarimaomo anu moiko.
Gagi euno sapi, kami mpesombaakono mangakumami.
4Asuri nahi pokokadudui kami;
nahi kami mpopesawiki ngara,
ka nami kami mpotae mbo'u, ’Ue Alamami’
a wineweuno kaemami.
Hangano ndi Omiu nana'ote nahina amano mohawe pompehohawa.”
5Aku mokotompa ira inso a mpopebungkuido ndi Ongkue,
Aku mehohawa ira hangano po'ehe-Ku,
hangano tekuda-Ku telusa inso ndi ondae.
6Aku gagi kana tontoru a nto Isaraeli,
ka onae ta tewile kana sisi bonse
ka mepahoakono luwuno hakano kana hadio keu Libano.
7Luwuno sampano ta tetiangi hadio,
mewantano ta kana keu saitu
ka mana mo'ahino kana hadio keu Libano.
8Ira mpo'ia mbo'u a laro mpe'engoa-Ku
ka mentuwu kana gandu;
ira ntetiangi kana keu anggoro,
anu telele kana anggoro Libano.
9I Eparai, hapa mbo'u tekaino ndi Ongkue a luwuno lahumoa?
Ongkuemo anu sumangki ka mensiroiko!
Ongkue andio kana keu sanobari anu molowulu,
inso ndi Ongkue upohawe wua.
Pokotompaano pau
14:10
10Isema anu pande mompewowolo, po'ineeomo ka ito'orio luwuno atuu.
Isema anu mompekokoongako, po'ineeomo ito'orio;
hangano luwuno sala-Do i Ue atuu moleo,
ka mia mentee tumondao,
sine mia umewa tetidu i ra'ai.
Currently Selected:
Hosea 14: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
