Hosea 13
13
Tekuda-Do i Ue ta dumunsio Eparai
13:1–14:1
1Mansano mepau i Eparai, mpondidi-ndidi iramo mia;
onae inunde-unde i Isaraeli,
sine onae saala hangano Baala, umarino atuu mateomo.
2Maupo kanandio-andio tepahe ira ntehala,
ka moweweu tiano koroino tinaha tinawa inso a nsalaka saru
luwuno lahumoa, montonda saru ponto'orido;
luwuno atuu wineweudo mia mpande mpoweweu.
Pesombaakonomo pesomba ndi ondae!, paudo mia.
Moikoomo mia woo-wooo ana nsapi!
3Onaemo pu'uno ondae ira megagi kana gawu mo'oru,
kana tontoru anu moliu mo'o-mo'oru ntu'u,
kana ota anu pinuurino opue inso a mposesaa
ke kana ahu inso a pesalaano ahu.
4Sine Ongkuemo Ue,
Ue Alamu mompu'u i wita Masiri;
omue nahi ponto'ori Ue Ala sangkadio Ongkue,
ka nahina Puu mpongkadudui sangkadio Ongkue.
5 #
Win. 8:11-17
Ongkuemo anu mensiroiko i pada one,
i wita anu morungku.
6Tempono domempinakambi, memowohi ira;
mansado memowohi, mpopelangka-langkai ira.
Onaemo pu'uno ka domengkolupe Aku.
7Ka Ongkue gagi kana singa ndi ondae,
kana nggapu langkai meboti-boti Kupadasoo a wiwi nsala.
8Aku sumapoi ira kana berua anu tetadi anano,
Aku berio radado.
I ra'ai Aku kumaa ira, kana singa waino;
kondehora mo'ila i tongampada ta meberi-beri ira.
9Omue masola, hei Isaraeli,
hangano omue umewai Aku, umewaio puu Mpontulungimu.
10 #
1Sam. 8:5-6
Isuaomoke mokolemu,
ka ikaduduiko luwuno kotamu,
ka luwuno anu pabawa ndi omue.
Mongkona ondae mepaukomo, ”Weeakunemo
asa mokole ka luwuno anu langkai potorono!”
11 #
1Sam. 10:17-24; 15:26 Kupoweeakomu asa mokole a laro ntekuda-Ku
ka umalao a laro mosa'o-Ku.
12Salano i Eparai tinongo, halano ninaa.
13Pompemahaki me'ana mese'elungio hinaano,
sine onae nana'ote anu nahi ponto'ori mompewowolo;
mansano haweako tempono,
onae nahi behe meluarako inso a mpe'anakaa.
14 #
1Kor. 15:55
Nde Aku motola ira ke inso a mpabawano tolinodo mia mate?
Nde Aku tumolosi irake inso a matea?
Isuaomoke haki lelemu, hei matea,
isuaomoke poropumu, hei tolinodo mia mate?
Mata-Ku tetutuwi tiano pompehohawa.
15Maupo ituwu mewalo i olono luwuno ewo,
angi i sabaano oleo, angi-Do i Ue ta hawe
mepuuri inso i pada one,
mokomotu'io luwuno insoano uwoi
ka mokonsa'o luwuno mata uwoino;
Ira rumontuo arataa,
luwuno sangka anu tekosi.
Currently Selected:
Hosea 13: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
