Hosea 12
12
I Eparai ka i Yako ama mpu'uno
12:1-15
1I Eparai kumadua-Kune pegaupi,
a nsuku Isaraeli saru pe'akala;
Yehuda mbo'u moliu inso umpedaako Ira Ue Ala,
inso umpedaako Ira Anu Tedoa Mempori anu metenunu.
2I Eparai mompakambi angi,
ka molulu angi sabaano oleo asa oleo,
mompokohadio pegaupi ka pobobarasai.
Mpowutu ira pedandia saru Asuri,
ka mpowawa lana a nto Masiri.
3Ondae i Ue mekara-kara saru Yehuda.
Ira humukuo Yako menunu saru peleluno,
ka Ira weeakono montonda saru luwuno wineweuno.
4 #
Pel. 25:26
#
Teg. 32:24-26
I laro pe'anakaa i'akalaomo pepaekompono,
ka a laro morosono ipelulukuako Ira Ue Ala.
5 #
Teg. 28:10-22
Onae melulukuako Mala'eka ka monangi;
onae mengese ka mo'ema pompehohawa ka pompowee ndi Ondae.
I Beteli i Yako tepotowoako Ira,
ka i ra'aimo Dopepau ndi ontae.
6Ondaemo i Ue, Ue Alano luwuakoano,
Ondae nineeako Ue.
7Omue asalakono pepokule ndi Ondae Ue Alamu,
pekariaomo petenunu mompehohawa ka moleoa,
ka sikori Iramo mpiha Ue Alamu.
8Mengkena kana Kana'a, saru pontimba nahi mentee a ngkaeno,
ka inehedo mporontu,
9kanandiomo pauno i Eparai, ”Kombake gagi akumo mompoli,
mohawe akumo arataa tiaku;
Luwuno atuu pine'osaiku.
Mia nahi dompohawe sala anu gagi halaku.”
10 #
Ima. 23:42-43
Sine Ongkuemo Ue,
Ue Alamu mompu'u inso i wita Masiri;
Aku weweuko mo'ia mbo'u a luwuno kema
kana a luwuno oleo tepotowoa atuu.
11Mepau Akumo a luwuno nabi,
mompowee hadio anu kinita,
ka molalo luwuno nabi Kupohaweo pandiri.
12Kombake Gileadi atuu lambaha?
Ondae megagi nahina tuduno.
Kombake i Giliga dompesombaakono luwuno sapi lakino?
Luwuno meda pontunua pesombado mbo'u gagi howuno watu
a banga-bangano lere.
13 #
Teg. 29:1-20
I Yako molai a lereno i Arami,
ka i Isaraeli mepe'ataako koroino ka ipohawe kombiano;
ka ipohawe kombiano, onae gagi puu pompakambi.
14 #
Pel. 12:50-51
Molalo asa nabi, Ondae i Ue tumaateo i Isaraeli meluarako inso i wita Masiri, molalo asa nabi,
onae dinagai.
15I Eparai mompokotesingkaomo tekuda anu ondalo,
pasua reano ta pinopotembiako ndi onae,
ka tataano Ira sumuloakono Ueno ndi onae.
Currently Selected:
Hosea 12: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
