Hosea 11
11
Pompehohawa-Do i Ue numangio moteano aroado to Isaraeli
11:1-11
1 #
Pel. 4:22; Mat. 2:15 Tempono i Isaraeli da mongura, Kupehohawao,
ka inso i Masiri Kupoboio ana-Ku atuu.
2Tepahe pinoboi,
tepahe pontonda salado ondaedo.
Ondae mpompesombaako pesomba a luwuno Baala,
ka mpotunu pesomba tiano luwuno tinaha.
3Kahinaano Ongkuemo anu paguruo i Eparai melempa
ka tumande ira a ngkae-Ku,
sine nahi dompokonto'orio, nine Ongkue mokotompa ira.
4Kudiiako ira koloro pontulungi
winutuako pompehohawa.
Ndi ondae Ongkue kana mia anu montande pasanga inso a wuku asedo;
me'odo Aku moweeako ira kaanga.
5Kombake ondae asalakono mpekule i wita Masiri?
Po'ineeomo Asuri gagi mokoledo,
hangano nahi domebehe ntepidi.
6Ponai ta me'a'e a luwuno kotado,
rumopuo luwuno lansono pewowado
ka ta kumaa ira, hangano luwuno tinoodo.
7Bawaa-Ku mpekorahako mpebungkui Aku;
Mpebooli ira a Baala
ka mpenaa-naa mpelangkaio nee-Ku.
8 #
Win. 29:23
Kana'umpe nahi Aku merioko, hei Eparai,
meweengakomu, hei Isaraeli?
Kana'umpe nahi Aku merioko kana i Adima,
weweuko kana i Seboimi? Aroa-Ku mepokule a ngkoroi-Ku,
pompehohawa-Ku mansa haweako.
9Nahi Aku motiio tekuda-Ku anu tensila,
nahi ta sinolangi mbo'u i Eparai.
Hangano Ongkue andio Ue Ala komba mia,
anu mempori i tonga-tongamiu,
ka nahi Aku hawe a laro ntekuda.
10Ira mpetonda ndi Ondae i Ue;
Ira mengaoli kana singa.
Mentee ntu'u, Ira mengaoli.
Nana'ote ira mehawe saru mpondidi-ndidi inso i sumooano oleo,
11kana manu-manu anu mondidi-ndidi hawe inso i Masiri,
ka kana marapatii inso i wita Asuri,
ka Ku'amba numaa ira mbo'u a luwuno rahado,
kanandiomo pau-Do i Ue.
Currently Selected:
Hosea 11: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
