IBARANI 2
2
Tekaduduia anu langkai
2:1-4
1Onaemo pu'uno asalakono tompenootio ntu'u hapa anu tomerongeomo, ka si tomemolomo iwawa kita solo. 2Hangano tewala pau anu pinau telalo a luwuno mala'eka mo'ia mpiha, ka sompo polimpaia ka nahi pomperorongeako mohawe sulono anu menunu, 3kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono 4Ondae Ue Ala mokorosoo ponsakosiido luwuno petondoni ka anu mengkinohali-haliako ka mperupa-rupa pepokomengkaano pabawa ka pompowee-Do Penaa Mempori, anu tinia-tia-Do montonda po'ehe-Do.
Asa tempo Ondae i Yesu lalu i totono sekonopo luwuno mala'eka
2:5-18
5Hangano komba a luwuno mala'eka Dopokompetuunduo wawontolino anu ta hawe, anu pinauto andio. 6#Pud. 8:5-7 Hinao mia anu horio mesakosii a laro aasa pu'u mpau, ipotae,
”Hapake mia, ranta ka Ipewowoloo,
ke anano mia, ranta ka Iperioo?
7Sine Iweweuomo tetotoako tedei inso a luwuno mala'eka a tempo anu sarai,
ka Iramba-ramba uluakonomo marambaa ka pelangkai,
8luwuakoano anu Ipokompe'urumakoomo a toto ngkaru-Do.”
Hangano i larono mokompe'urumakoo luwuakoano ndi Ondae, nahina maupo te'asa anu Dopesusuao. Sine kanandio-andio napi tomengkitao, nine luwuakoano Dopokompe'urumakoomo ndi Ondae. 9Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.
10Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia. 11Hangano Ondae anu mompokomempori ka ondae anu mempinokomempori, luwudo tepu'u inso a anu Aasa; onaemo pu'uno nahi makoko'ii-Do moboiako ira pepaekompo, 12#Pud. 22:23 Mepau Ira,
”Aku paleleo nee-Miu a luwuno pepaekompo-Ku,
ka umunde-unde Komiu i tonga-tongado bawaa,”
13 #
Yes. 8:17-18
ka mbo'u,
”Aku merorohi Ira,”
ka mbo'u,
”Menteeano, Ongkuemo andio ka luwuno nana'ote anu Doweea-Kunemo Ondae Ue Ala.”
14Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea; 15ka saru mesala kanandio ka Dopotola ira anu asa ntinuwudo mpo'ia a laro nte'ataa hangano domedoitoakono matea. 16Hangano menteeano, komba mala'eka anu Dopehohawa ira, sine inuleno i Burahima anu pinehohawa-Do. 17Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku. 18Nde hangano Ondae isa'a tebobarasaiako po'ara-arahako, ka Dopokotulungi ira anu me'inara-arahako.
Currently Selected:
IBARANI 2: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
