Peluarakoa 26

Kema mempori

26:1-37

1 # Pel. 36:8-38 ”Kema Mempori atuu asalakono wineweu inso a hopulu sawu tenda. Tenda atuu wineweu inso: a lena alusu, anu kinoloro banano ka bana wungo motu'a, wungo mongura ka bana motaha motu'a. Tenda atuu asalakono sinulati megambara kerubi. 2Ondauno sompo tenda, asalakono rua pulu ka oalu hiku ka maluano sompo sawu tenda opaa hiku. Luwuno tenda atuu asalakono kai pengkena. 3Olima sawu tenda asalakono sinombu asa ka anu susua, ka anu olima mbo'u pinosombu gagi asa. 4A nsawu anu sinombu amba-ambano, a wiwino sawu tenda anu lalu itompano, asalakono poweweuakono bolo-bolono anu kinoloro inso a nsawu wungo motu'a, ka kanatuu koa mbo'u weweuo a wiwino sawu tenda anu lalu itompano a nsawu sinombu anu ko'orua. 5Asalakono kau poweweu lima pulu bolono tiano sawu tenda anu aasa ka lima pulu mbo'u bolono sawu tenda anu itompano ntu'u a nsawu sinombu ko'orua, onaemo luwuno bolono atuu ntepopo'aro. 6Asalakono poweweu lima pulu kai inso a wulaa ka ipinosombu sawu tenda anu asa saru anu susua mompake luwuno kai atuudo, gagi Kema Mempori atuu tepe'asa.

7Omue asalakono moweweu hopulu ka asa sawu tenda inso a wulu bembe gagi atono kema anu borungio Kema Mempori. 8Ondauno sompo sawu tenda andio tolu pulu hiku ka maluano sompo tenda opaa hiku. Hopulu ka asa tenda andio asalakono mengkena luwu. 9Olima sawu tenda andio asalakono sombuo tesusua, ka onoo sawu tenda sinombu tesusua mbo'u, ka sawu tenda anu ko'onoo asalakono lupio orua, i arono Kema atuu. 10I wiwino asa sawu tenda anu lalu i tompano a nsawu sinombu amba-ambano, asalakono poweweu lima pulu bolono anu kinoloro ka lima pulu mbo'u bolono i wiwino asa sawu a nsawu sinombu ko'orua. 11Omue asalakono moweweu lima pulu kai mala ka iwininso a bolo-bolono hieno ka i'amba tesombu kema atuu gagi asa. 12Toreano sawu tendano Kema atuu, tia oruano pino'inee tendoe i bungkuno Kema Mempori. 13Toreano inso a ondauno sawu tenda atuu asa hiku i apano anu asa ka asa hiku i apano anu susua, pino'inee tendoe a orua apano Kema Mempori anu borungio apano anu asa ka apano anu susua. 14Omue asalakono moweweu boru i wawono tenda borungino atuu inso a ngkuli bimba lakino anu pinarada motaha ka boru inso a ngkuli alusu i wawono mbo'u.

15Omue asalakono poweweu dopi tiano Kema Mempori inso a ngkeu akasia anu pinontade moleo. 16Sompo dopi hopulu hiku ondauno ka maluano asa ka entonga hiku. 17A sompo dopi asalakono hinao orua paso anu gagi pesombuno saru anu susuano. Kanatuumo uweweuo luwuno dopino Kema Mempori. 18Omue asalakono moweweu rua pulu dopi tiano Kema Mempori te'alaako i selata. 19Omue asalakono moweweu pato pulu empehino i totono dopi rua pulu atuu inso a nsalaka, orua empehino i totono asa dopi pentoroano orua pasono. 20Omue asalakono moweweu mbo'u rua pulu dopi tiano apano i utara Kema Mempori, 21ka pato pulu po'empehi inso a nsalaka: orua po'empehi i totono asa dopi ka orua po'empehi i totono sompo dopi petudano. 22Tiano apano i bungkuno Kema Mempori, i sumooano oleo, asalakono poweweu onoo dopi. 23Orua dopi poweweu tiano orua siuno Kema Mempori i bungkuno. 24Orua dopi atuu pinosombu i totono ka iwawono pinosombu mbo'u a mala-mala anu asa atuu. Kanatuumo uweweu dopi orua atuu a orua siuno. 25Gagi, oalu dopi ka po'empehi salaka hopulu ka onoo. Orua po'empehi itotono asa dopi ka orua po'empehi i totono sompo dopi petudano.

26Asalakono poweweu mbo'u keu montowea inso a ngkeu akasia. Olima keu montowea tiano luwuno dopi i apano anu asa Kema Mempori, 27olima keu montowea tiano luwuno dopi i apano anu susua inso a Ngkema Mempori ka olima mbo'u keu montowea tiano luwuno dopi i bungkuno Kema Mempori, i sumooano oleo. 28Keu montowea anu i tongano dopi atuudo asalakono montowea inso i tompano hawe i tompano. 29Dopi atuudo asalakono lnapiiako wulaa, luwuno binansi po'iangano keu montowea atuudo, asalakono weweuo inso a wulaa ka luwuno keu montowea atuu asalakono inapiiako wulaa. 30Asalakono kanandiomo uwanguo Kema Mempori menunu potudano anu umariomo Kutisoakomu i wawo torukuno atuu.

31Omue asalakono moweweu sawu pelingo inso a bana wungo motu'a, wungo mongura, motaha motu'a ka lena alusu anu kinoloro banano. Sawu pelingo atuu weweuo megambara kerubi. 32Omue asalakono motakoo opaa karuno inso a ngkeu akasia, anu inapiiako wulaa mompake kai wulaa, i wawono opaa po'empehi salaka. 33Omue asalakono ndumoeo sawu pelingo atuu a ngkai ponsombu tenda atuu ka wawao burua songka i ra'ai, ibungkuno sawu pelingo atuu. Sawu pelingo atuu gagiomo sawu pelingomu, i olono po'ianga mempori ka po'ianga tedoa mempori.#Pel. 25:16; Ibr. 6:19; 9:3-5 34Omue asalakono numaao ulo pesintuwua i wawono burua songka a mpo'ianga tedoa mempori. 35Meda atuu asalakono naao i arono sawu pelingo ka karuno hulu atuu asalakono naao i apano selata Kema Mempori tepo'aro saru meda anu ninaa i apano utara.#Pel. 25:23-39

36Omue asalakono moweweu mbo'u sawu pelingo a mpewowa Kema atuu, anu sinula inso a bana wungo motu'a, wungo monura, motaha motu'a ka lena alusu anu kinoloro banano. 37Omue asalakono moweweu olima karuno tiano sawu pelingo atuu inso a ngkeu akasia ka apiiakono wulaa, saru kai wulaa, ka tiano olima karuno atuu asalakono poweweu olima po'empehi inso a mala tinawa.”

Currently Selected:

Peluarakoa 26: XMZ

Highlight

Compare

Copy