EPESU 3
3
Rahasia poboido anu komba to Yahudi
3:1-13
1Onaemo pu'uno ongkue andio, i Paulu, mia anu tinorungku hangano Ondae i Kerisituu Yesu tiamiu mia anu nahi mento'ori Ira Ue Ala 2– lano imerongeomo mongkona anggaa weweua a mpe'aroa-Do Ue Ala, anu kupine'ala-alaako hangano omiu, 3onaemo ba kana'umpe rahasiano kupinosabaako a mengkaa, kana anu kuburiomo owowa i wawono. 4#Kol. 1:26-27 Tewala imebasao, komiumo mpokonto'orio ponto'oriku rahasia-Do i Kerisituu, 5anu i tempono mapa'api-api ntumuwu i ndi'upua nahi pinalele a luwuno anano mia, sine anu kanandio-andio pinokomengkaa i larono Penaa a luwuno tinena ka nabi anu mempori, 6onaemo nine anu komba to Yahudi, hangano Lele Mawongkoa, megagi ira mbo'u mpompe'umbu pusaka ka luwuno parewa ngkoroi ka mpetonda a laro dandi anu wineeako a ntepo'asaa ndi Ondae i Kerisituu Yesu. 7Inso a Lele Mawongkoa atuu gagi akumo puu pompekakaakono montonda pompowee pe'aroa-Do Ue Ala, anu kuwineeako menunu saru po'anggano pabawa-Do. 8Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu, 9ka mokomengkaao hapa ihino anggaa weweua rahasia anu mapa'etu-etu nta'u tewuni ndi Ondae Ue Ala, anu mokogagio luwuakoano, 10ka domempauo bawaa kanandio-andio a luwuno anu mpeparenta ka anu mempabawa i suruga mperupa-rupa ponto'ori-Do Ue Ala, 11menunu saru tinoo anu nahina tampulaano, anu Doweweuomo ndi Ondae i Kerisituu Yesu, Ueto. 12Ndi Ondae tompohawe mosiaa ka sala mewinso ndi Ondae Ue Ala ka mempine'ala-ala hangano pompe'ala-alato ndi Ondae. 13Onaemo pu'uno ku'emao ndi omiu, ka si motewe aroamiu mengkitao pompema'isoku hangano omiu, hangano pompema'isoku atuu onaemo marambamiu.
Pekakaino i Paulu
3:14-21
14Onaemo pu'uno ka kupenggolontu mesomba ndi Ondae i Ama, 15anu inso ndi Ondae luwuno inule anu i laro nsuruga ka i wawontolino mentarimao needo. 16Mekakai aku ka Dopokorosoakomiu Penaa-Do i laromiu, montonda kaeano maramba-Do, 17ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa. 18Mekakai aku ka imperonga-ronga saru luwuno mia mempori mpokonto'orio, tedoa maluano ka ondauno ka mantandeno ka ondalono pompehohawa-Do i Kerisituu, 19ka mpokonto'orio pompehohawa atuu, maupo ilaloio luwuno ponto'ori. Mekakai aku, ka imempinokobuke a laro luwuno bobotoli-Do Ue Ala. 20Ondaemo, anu mokompoweweu laluaopo ntu'u hadio sekonopo anu pinekakaiakoto, ke anu pinewowoloto, kana anu mengkaa inso a mpabawa anu mo'angga i laroto, 21tia-Domo marambaa a laro bawaa ka ndi Ondae i Kerisituu Yesu a luwuno inule hawe nahina tampulaano. Ami.
Currently Selected:
EPESU 3: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
