Amosi 6
6
Rodoa anu nahi ta tehine
6:1-14
1”Memasola iramo ntu'u mia anu momperodo i Sioni,
mia anu momperodo i torukuno Samaria,
luwuno mia memota'u inso a tongku amba-ambano,
anu dontepohaweakono tongku Isaraeli!
2Pe'asambaliakomo i Kalane, ka kitaomo!
Pelempamo inso i ra'ai lumako i Hamati anu langkai atuu,
ka lakomo i Gati witado to Pelisiti!
Nde memoiko irapoke sekono luwuno poparentaa andio,
ke maluaopoke witado sekono witamu?
3Hei omiu, anu mpotae olai oleo masolaa,
sine weweuo pabawa pobobarasai tekense umpeda;
4anu mepombole a mpoturia inso a ntindu
ka mpesana-sanaa a dasa;
anu mpongkaa anano bimba inso a bawaano bembe bimba
ka anano sapi inso i olono bawaano sapi anu mewalo;
5anu mpenani-nani menunu unino gambusu,
kana i Daudi, ondae mpoweweu anu me'uni-uni tiano koroido;
6anu mo'inu anggoro inso a loea kodei,
ka mehahiako lana anu lalu moiko,
sine nahi pompemasusa a nterawono inuleno i Yusupu!
7Onaemo pu'uno, kanandio-andio ondaemo anu amba-ambano ira mewinawa gagi mia tinadi,
ka telaloomo maroano pogawedo mia anu mpesana-sanaa atuu.”
8Ondae Ue Ala mesumpa Iramo a ngkoroi-Do,
kanandiomo pau-Do i Ue, Ue Alano luwuakoano,
”Kumokokowuereakono pompelangka-langkaino i Yako,
ka o'aliaako ira benteno;
Aku meweengakono kota saru ihino.”
9Tewala da hinao tebinta hopulu mia i larono asa raha, ondae mbo'u ira memate. 10Maamano, puu mpotunu anu tumunuo wata ngkoroi atuu, ta aiwa tumandeo ka lumuarakono wata ngkoroi atuu inso a raha atuu. Onae mesikeno a mia anu kongko i bungkuno raha, ”Da hinaoke mia pe'asamu?” Sangkino, ”Nahina.” Ka i'amba motae, ”Penoro-noro si pepau!” Hangano komba tempono popauo nee-Do i Ue!
11Hangano, menteeano Ondae i Ue meparenta,
ka raha langkai pinobangku gagi terongkoa
ka raha kodei gagi siba.
12Mpelulu irake ngara a wawo pongku watu,
ke pompadekoako ira sapike mia i ra'ai?
Mentee ntu'u, imebaliomo moleoa gagi rasu
ka wuano menteea gagi rasu mopa'i!
13Hei omiu, anu memawongko hangano kota Lodabari,
ka anu mpotae, ”Kombake hangano rosoto ontaeto
tompoko'alao Karanaimi tiato?”
14”Hangano menteeano, Aku wanguo asa tongku
umewai komiu, hei tongku Isaraeli,”
kanandiomo pau-Do i Ue, Ue Alano luwuakoano,
”ka ira mpokonsii komiu
inso a nsala mewinso i Hamati
hawe a ngkorono mo'are i Araba.”
Currently Selected:
Amosi 6: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
