Amosi 1
1
Pu'u mpau
1:1
1 #
2Mok. 14:23–15:7; 2Taw. 26:1-23 Pauno i Amosi, asa mia i olodo puu mpopakambi inso i Tekoa, anu kinitano mongkona Isaraeli i tempono i Usia mokole i Yehuda, ka i tempono i Yerobea anano i Yoasi, mokole i Isaraeli, orua nta'u se'eluno leelu wawontolino.
Pohuku a luwuno tongku susua
1:2–2:3
2 #
Yoe. 3:16
Ipotae,
”Ondae i Ue mengaoli inso i Sioni
ka inso i Yerusale Dopoporongeo pau-Do;
mokariomo luwuno mpada pompakambia
ka moleuomo punsuno torukuno Karameli.”
3 #
Yes. 17:1-3; Yer. 49:23-27; Sak. 9:1 Kanandio pau-Do i Ue,
”Hangano otolu wineweuno mosa'o Damasi, tendeano opaa,
nahi Aku balio mbo'u pomputusi-Ku:
Hangano Gileadi domensesaakonomo ponsesaa inso a labu,
4Aku mompotola api a laro langkanaeno i Hasaeli,
ranta luwuno benteno i Benihada mo'ai luwu;
5Aku puduo lanso pewowano Damasi
ka mokotampulao palili inso i Bikeati-Aweni
saru anu uminio tuko poparentaa inso i Beti-Edeni.
Palilino Arami asalakono melako gagi mia mentinadi i Kiro,”
pau-Do i Ue.
6 #
Yes. 14:29-31; Yer. 47:1-7; Yeh. 25:15-17; Yoe. 3:4-8; Sep. 2:4-7; Sak. 9:5-7 Kanandiomo pau-Do i Ue,
”Hangano otolu wineweuno Gasa anu mosa'o, ke opaa,
nahi Aku balio mbo'u pomputusi-Ku:
Hangano domewawa iramo a mpontadia luwuno mia tinadi,
ka dompineweengako ndi Edomi,
7Aku mompotola api a laro rere watu Gasa,
ranta luwuno bente mo'ai luwu.
8Aku mokotampulao palili inso i Asidodi
ka anu uminio tuko poparentaa inso i Asikeloni;
Aku tumaangakono kae-Ku umewaio Ekeroni,
ranta memasola iramo to Pelisiti anu da mentuwu,”
pau-Do Ue Ala.
9 #
Yes. 23:1-18; Yeh. 26:1–28:19; Yoe. 3:4-8; Sak. 9:1-4; Mat. 11:21-22; Luk. 10:13-14 Kanandiomo pau-Do i Ue,
”Hangano otolu wineweuno Tirusi anu mosa'o, ke opaa,
nahi Aku balio mbo'u pomputusi-Ku:
hangano dompeweengako iramo luwu mia tinadi ndi Edomi
ka nahi pinewowolo pedandi pepaekompoa,
10Aku mompotola api a laro rere watu Tirusi,
ka benteno mo'ai luwu.”
11 #
Yes. 34:5-17; 63:1-6; Yer. 49:7-22; Yeh. 25:12-14; 35:1-15; Oba. 1:1-14; Mal. 1:2-5 Kanandiomo pau-Do i Ue,
”Hangano otolu wineweuno Edomi anu mosa'o, ke opaa,
nahi Aku balio mbo'u pomputusi-Ku.
Hangano onae moluluako ponai pepaekompono
ka mepateo aroa pompehohawano,
bamburuno moberi mpiha,
ka tekudado kongko mpiha,
12Aku mompotola api a laro Temani,
ka benteno i Bosora mo'ai luwu.”
13 #
Yer. 49:1-6; Yeh. 21:28-32; 25:1-7; Sep. 2:8-11 Kanandiomo pau-Do i Ue,
”Hangano otolu wineweuno inuleno i Amoni anu mosa'o, ke opaa,
nahi Aku balio pomputusi-Ku.
Hangano ondae mpobonsi kompodo beine mentia i Gileadi
ira mpokomaluao witado,
14Aku molangao api a rere watu Raba,
ranta luwuno bente mo'ai luwu,
tinondaako pohio i tempo peteaa,
tinondaako opue i tempono melompiu.
15Mokoledo asalakono lumako gagi mia tinadi,
onae merongaako ira anu langkai potorono,”
pau-Do i Ue.
Currently Selected:
Amosi 1: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
