2 KORINTI 3
3
Luwuno puu pompekakaako a mpedandia anu wo'ohu
3:1-18
1Mpompu'u kamimo mbo'uke me'unde-undeo koroimami? Ke asalakono ka kimengkana mia susua mpopokitaakomiu wunta po'unde-unde ke inso ndi omiu? 2Omiumo wunta po'unde-undemami anu teburi i laro aroamami ka anu tino'ori ka dompokobasao luwuno mia. 3#Pel. 24:12; Yer. 31:33; Yeh. 11:19; 36:26 Hangano mengkaaomo, nine omiu wunta-Do i Kerisituu, anu binuri a pompekakaakomami, komba binuriako tinta, sine saru Penaa inso ndi Ondae Ue Ala anu tuwu, komba a dopi watu, tendeano a dopi i laro aroano mia. 4Kanandiomo langkaino pompe'ala-alamami ndi Ondae Ue Ala hangano Ondae i Kerisituu. 5Tewala butu omami nahi kimempolio mpopau hapa kana inanggamami; naahi, ka kimempolio onaemo po'angga-Do Ue Ala. 6#Yer. 31:31 Ondae koa mbo'u weweu kami ka kimempolio megagi puu pompekakaako a aasa pedandia wo'ohu, anu komba inso a songka anu teburi, sine inso a Mpenaa, hangano songka anu teburi mompepate, sine Penaa mompotuwu.
7 #
Pel. 34:29
Pompekakaako anu metewawa a matea teburiako hurupu a dopi watu. Maupo kanandio maramba-Do Ue Ala kumongkomio tempono iwineeako. Hangano maupo nahi mewanta mbo'u, wantano rupano i Musa tesangkilo ntu'u, ranta nahi domempolio to Isaraeli mempaso matao. Tewala puu pompekakaako atuu hawe saru maramba anu kanandio 8tedoaopo lalu langkai mbo'u marambaa anu kumongkomio pompekakaako-Do Penaa! 9Hangano, tewala pompekakaako anu metewawa a mpohukua atuu maramba, tedoa lalu maramba mbo'u pompekakaako anu metewawa a menteea. 10Menteeano hapa anu i ndi'upua pinemaramba, tewala pinongkenaako saru marambaa anu mewawoio luwuakoano andio, nahina ntu'u pengkonaano. 11Hangano, tewala anu nahi mewanta atuu tinondaako marambaa, laluaopo ntu'u mbo'u anu mewanta mpiha atuu tinondaako marambaa.
12Hangano mpomperorohi anu kanandio, onaemo ka kimemosia mpepau, 13#Pel. 34:33 komba kana i Musa, anu tumutuwio rupano, ka si domengkitao to Isaraeli tetadino wanta anu sarai koa atuu. 14Sine tebonsoomo pinewowolodo, hangano hawe a oleo andio pebomboni atuu da kongko bomboni ira, tewala mpobasa ira dandi nse'elu atuu nahi sinungke, hangano butu Ondae i Kerisituu anu mokosungkeo. 15Maupo hawe a oleo andio, sompo domebasao wuntano i Musa, hinao pebomboni anu tumutuwio aroado. 16Sine tewala aroano asa mia mepokule ndi Ondae i Ue, ka pebomboni atuu inala inso ndi onae. 17Hangano Ondae i Ue onaemo Penaa; ka ba isua hinao Penaa-Do Ue Ala, i tu'ai hinao maradekaa. 18Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.
Currently Selected:
2 KORINTI 3: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
