1 TIMOTIU 2
2
Mongkona pekakaido bawaa
2:1-7
1Amba-ambano patuduku: Imewuatakono po'ema, pekakai sapa'a ka pontarimakasi tiado luwuno mia, 2tiado luwuno mokole ka tiado luwuno anu langkai potorodo, ka tompokomentuwu rodo ka sintuwu a luwuno petenunuto mpesomba ka pelelu anu moiko. 3Onaemo anu moiko ka anu Dopemoikoo Ue Ala, Puu pongkaduduito, 4anu inehe-Do ka luwuno mia mengkinadudui ka mpohawe ponto'ori mongkona menteea. 5Hangano Ondae Ue Ala atuu Asa-asa-Do ka Asa-asa-Do koa mbo'u anu gagi po'oloti olo-Do Ue Ala ka mia, onaemo mia Ondae i Kerisituu Yesu, 6anu meweengakonomo koroi-Do gagi tolosido luwuno mia: onae atuu ponsakosii a tempo anu pinakosi. 7#2Tim. 1:11 Hangano ponsakosiimo atuu ka kupinakosi gagi pompalele ka tinena – anu pinauku andio mentee, nahi kupegaupi – ka gagi pompaguru mia anu komba to Yahudi, a pompe'ala-ala ka menteea.
Mongkona peleluno tama ka beine a mpesombado bawaa
2:8-15
8Onaemo pu'uno ineheku, i sua-suamo koa dompekakai tama ka domensineo kaedo anu mempori, nahina tekuda ka nahina teposisalaa. 9#1Pet. 3:3 Kanandio koa mbo'u beine. Ka ipesangka koa anu tekona, montonda gau ka nahi maramba, wuuno ka sipiniu, ka si pompake wulaa ke mutiara ke maupo sangka anu masuli olino, 10sine ka ipesangkaakono wineweu moiko, kana tekonano a beine anu mesomba. 11Asalakono beine menoro-noro ka ipomperorongeako montarima pompaguru. 12Nahi ku'eheakono beine mompaguru ka nahi ku'eheakono mbo'u mosongkaakono tama; tendeano ka ipenoro-noro. 13#Teg. 2:7, 21-22 Hangano i Adama anu pinokogagi amba-ambano, ka i'amba i Hawa. 14#Teg. 3:1-6 Tamoako mbo'u komba i Adama anu tepopandei, tendeano beinemo atuu anu tepopandei ka tedonta a hala. 15Sine beine ta kinadudui hangano onae me'ana, poolo ka ipompedato koa mpiha pompe'ala-alano ka mompehohawa memporia saru nahi maramba.
Currently Selected:
1 TIMOTIU 2: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
