1 TESALONIKA 1
1
Tabea
1:1
1 #
Tin. 17:1
Inso ndi Paulu, i Siliwanu ka i Timotiu a bawaado to Tesalonika anu ndi Ondae Ue Ala Ama ka ndi Ondae Ue Yesu Kerisituu. Pe'aroa ka rodoa kumongkomi komiu.
Wuano pompaleleno i Paulu
1:2-10
2Pontarimakasi kami mpiha ndi Ondae Ue Ala hangano luwumiu ka mpewua komiu a mpekakaimami. 3Hangano kiwela merambeo po'anggano pompe'ala-alamiu, inanggano pompehohawamiu ka modatono pomperorohimiu ndi Ondae Ueto i Yesu Kerisituu i aro-Do Ue Ala ka Amato. 4Ka kimento'orio, hei luwuno pepaekompo anu pinehohawa-Do Ue Ala, nine Dobiniki komiumo. 5Hangano Lele Mawongkoa anu pinalelemami komba butu pinohaweako pau ndi omiu, sine saru koa mbo'u roso hangano Penaa Mempori ka saru aasa manasaa anu moroso. Lano imento'orio, ba kana'umpe kimpo'angga i olomiu hangano omiu. 6#Tin. 17:5-9 Ka megagi komiumo mentonda kami ka tumonda Ira i Ue; a laro pompokonsiia anu mobea imentarimaomo pau atuu a mawongkono aroa anu inangga-Do Penaa Mempori, 7ranta ka imegagimo pandirido luwuno mia anu mpompe'ala-ala i wita Makedonia ka Akaya. 8Hangano inso i olomiu ka itelele pau-Do i Ue komba butu i Makedonia ka i Akaya, sine a luwuno po'ianga teleleomo mongkona pompe'ala-alamiu ndi Ondae Ue Ala, onaemo pu'uno siimo kimpompau hapa-hapa mongkona atuu. 9Hangano ondaedo isa'a mentutuluo mongkona omami, ba kana'umpe imentotowo kami ka ba kana'umpe impepokule ndi Ondae Ue Ala inso a luwuno lahumoa ka mekakaako Ira Ue Ala anu tuwu ka mentee, 10ka sumikorio hawe-Do ana-Do inso i suruga, anu Dowangu Iramo inso i olodo mia mate, onaemo Ondae i Yesu, anu kumadudui kita inso a pontekudaako anu ta hawe.
Currently Selected:
1 TESALONIKA 1: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
