Roma 6
6
1Enei oiamakurumau ei voa eiai? Enei namea‐li?-?mau uku la’aruku akuakeia’?-?ane‐iai?
2Ai. Enei ane enei imuane euna namea eiai, namea laru ai rokoai enei eka’ama‐limau?
3Noro ipapeana ene a’a Iesu Keriso laru ai oro bapatiso‐ekavakei’inave, Una imua laru ai awku enei bapatiso‐akavakei’inave?
4Ou uku eiai i bapatiso Una imua ai U kiripai enei i’iakeina: orau Keriso i Mai inu iva evao’evao imua mere la‐okavakei’inave, orau enei awku rokoa nawawrea are rokoai limakina.
5Uku i Una imua aua‐mimakina U kiripai monou enei evere’eane euna, i Una imua mere la’ava aua‐mimakina U kiripai monou enei keiakana.
6Uku enei ipali’inake ene eni nane U kiripai iri keoa upa mere avakei’inave, uku ene namea nane enu iva iou?-?miakeia’ane‐iai, uku namea anu aivara enei rokonavaia;
7Uku kurua a’a u imua keina, namea mere u ururuakeina.
8Keriso kiripai enei imuakeia’ane, enei pirimaroakona U kiripai enei rokoakana ane:
9Uku enei ipali’inake Keriso imua mere rokoaka?-?vairuane euna, U moawku imuapea ane, imua amua iva eria mi’ina U eiai.
10Uku i kurua imua U imunave, namea eiai U imua evere’enave, opai keiakana eiai; a i rokoa U eai rokona uku Eloi eiai U rokona.
11Orau noro awku laikoravai limakina nomo nane eiai, namea eiai noro imuakeina, Eloi eiai noro rokona, uku noro Keriso Iesu laru ai rokona.
12Namea nomo kape laru ai amua‐awkavai pa evere’eai, kape enu i’ima noro kamaialiane‐iai.
13Nomo kape‐aru pa evere’eiai namea‐liai: rokoa a’a orau imua mere la’ane euna, nomo nane Eloi ekune, nomo lai evera e e ane, oro elauakeia’ane‐iai opara anana liai Eloi eiai.
14Uku namea amua?-?nakavapea: noro Vupu unu a’a peo, noro la’aruku unu a’a keina.
15Enei namea amalimau uku enei Vupu unu a’a peo, uku enei la’aruku unu a’a keina? Ai.
16Noro ipapeana kurua amua noro kamaia‐awkana, una aivara noro keina; Namea anu aivara naea (una kavani imua) Kamaia naea (una kavani opara anana)?
17A eni pani ai namea anu aivara noro kei’inave, Eloi kopai‐awkane uku kurua ipawkia voa nakuakei’inave noro kamaia liane euna kapoi.
18Namea anu iara mere noro ururunaiakei’inave, opara anana anu aivara noro evere’enave.
19Ei aipo voa nai kuruna uku nomo kape enu eapa eiai: uku orau nomo kape?-?aru, lai ane, noro ekunave namea anu opara eiai, orau eai nomo kape‐aru noro ekuane‐iai opara anana eiai noro iaa evere’eane‐iai.
20Noro namea anu aivara keia’ane, uku eria kei’inave noro opara anana kamaialiai.
21Oi paioka ana noro miaka eni makiri opara mere? Imua omo kavani keina.
22A eai namea anu iara mere noro ururunaiakeia’ane euna, Eloi inu aivara noro evere’eane euna ane, noro kavani mi’ina uku noro iaa?-?naiakeimakina, opai rokoa noro miakana ane.
23Uku namea imua kavani awkuna; a Eloi inu la’aruku opai rokoa keina i Iesu Keriso mere ene Amua.
Currently Selected:
Roma 6: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
