Roma 5
5
1I pirimaroakoa enei anana‐aiakeina, i ene Amua, Iesu Keriso mere, Eloi kiripai enei airu mi’inamaki:
2I u awku, uku pirimaroakoa, kikau enei mi’ina Eloi inu la’aruku laru ai, enei ei‐oina ane, kopai li’ina ane, uku enei araea’araea‐li’ina Eloi inu evao’evao aua‐miai.
3A ei awku e peo; enei kopai‐li’ina ane kukupuna eiai: uku enei ipali’ina kukupuna lai iviri‐ena;
4Lai iviri lai evera‐ena: lai evera araea’araea‐ena:
5Ei araea’araea makiri?-?a‐awkanakea, uku Eloi inu umu ene umu laru ai i Avaea Iaa apareakeina, i U ane U enei akuakeia’ane euna.
6Uku kurua pani ai pai?-?oka eria enei miaka’ane, namea a’a eiai pani miki ai Keriso imuaka.
7A’a opara anana a’a eiai imuapea naea, a umu ima a’a eiai a’a varomo imuane naea.
8A Eloi Una umu ipawkina enei eiai uku enei namea a’a kei’inave ane Keriso imunave enei eiai.
9I Una aro mere mua mere enei ururuaiakeia’ane euane, i U mere Eloi inu ia’ia mere enei iakavakeiakana kapoi.
10Enei mani kei’inave ane i Una Mere enu imua Eloi eiai enei airu aiakeia’ane euane, i Keriso onu rokoa enei iakavakeiakana kapoi.
11Voa mo awku, i ene Amua, i U mere enei airu?-?aiakeina, Eloi laru ai enei kopai li’ina ane.
12Orau i a’a monou mere namea pani va’au ai ikirinave, imua ane i namea mere; orau imua ikirinave a’a uriria laru ai, uku a’a uriria namea liane euna:
13Uku Vupu unu pani paku ai namea pani va’au ai kei’inave: Vupu eria keia’ane, namea awku ailiea?-?keiapea.
14A imua, amua orau, amua‐awkanave Adamu unu pani mere anea’anea Mose enu rokoa pani ai, oro upa mere oro namea liakape orau Adamu namea liaka. Adamu laru ai enei aipo mi’ina U eiai, U ane Una anea pani paku ai kei’inave.
15A veruku la’aruku, namea ane, ipi’ipiapea; Eloi inu la’aruku unu veruku namea ru‐awkina. I a’a monou unu namea mere a’a aila imuakeia’ane, i a’a monou, Iesu Keriso, Eloi inu umu, la’aruku ane, everevereane euna a’a aila eiai.
16La’aruku keiapea orau a’a monou unu namea kei’inave: uku voa vevea a’a monou evere’enave mua‐awkava mi‐anenave; a veruku la’aruku namea aila paueina.
17I a’a monou unu namea imua a’a monou a’akiane uku u amua‐awkava’ane‐iai, oro awku Eloi inu veruku la’aruku, opara anana anu la’aruku ane, mi’ina, i monou mere, Iesu Keriso, rokoa pani ai amua orau oro amua‐awkavakana.
18Ou uku eiai, uku a’a monou unu namea voa vevea anenave a’a uriria mua?-?ekavai; orau awku uku monou unu opara anana veruku la’aruku anenave rokoa a’a uriria ekuai.
19Uku i a’a monou unu namea a’a uriria namea a’a eiakei’inave, orau awku i Monou unu opara anana a’a uriria anana‐eiakeiakana.
20Vupu mi‐aneakei’inave uku namea everevereane‐iai. A iou ai namea everevereane euna, la’aruku i‐orekiane euna;
21Orau namea imua‐eai amua‐awka’ane euna, orau la’aruku awku i opara anana mere amua‐awkava’ane‐iai opai rokoa awkuai i ene Amua Iesu Keriso.
Currently Selected:
Roma 5: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
