Roma 7
7
1Ovaki airavaki e, (nai kikirimakina uku a’a Vupu ipali’ina) noro ipapeana ene rokoa pani ai enei Vupu kamaiali’ina?
2A’e u vaki mi’ina i Vupu una vaki u piriakeina vaki inu rokoa pani ai; a una vaki imuane kurua Vupu iva eria mi’ina a’e eiai, u ururuakeina.
3Ei uku eiai, vaki inu rokoa pani ai, a’e vaki e kiripai rokoane, eve’eve a’e u oroiakeiakana: a una vaki imuakeia’ane kurua vupu mere u ururuakeina; u vaki e miane u eve’eve a’e peo.
4Orau na ovaki airavaki e, uku Keriso a’a evere’enave Vupu imunave noro eiai, uku Monou e noro napi?-?riakeia’ane‐iai, U ane imua mere U la’anave, uku enei uru meriane‐iai Eloi eiai.
5Ene kape enu i’ima enei kamaia‐ekavaka’ane, i’ima opara i Vupu namea‐eakei’?-?inave, ei i’ima ene kape‐aru laru ai panipani ai rokoa?-?eimakei’inave oro uru meriane‐iai imua eiai.
6A uku enei imuane euna awku oro eiai apirinave, eai Vupu iva eria mi’ina enei eiai, opara nawawrea enei kamaiali’ina, eni vupu opara peo, avaea opara enei kamaiali’ina.
7Enei oiamakurumau? Vupu namea ana? Ai. Nai Vupu ipaliaka livilia, nai namea ipaliakape. Vupu kuruaka livilia, Ni pa iawmiai; iawmia anu namea nai ipaliakape.
8A namea, uku ei vupu voa, iawmia opara kavakava nai laru ai awvoinave; uku Vupu eria keia’ane, namea imuakeina.
9Nai Vupu ipaliakape’?-?ane nai rokoa kei’inave, a Vupu unu Ipawkia voa aneaka’ane, namea rokoa la’anave, nai imunave ane.
10Kurua Vupu unu Ipawkia voa evere’eakei’inave rokoa ikuai, imua mi‐anenave nai eiai.
11Namea, i Vupu unu Ipawkia voa, ewaea‐ikanave, i’a’anave ane.
12Vupu verukua iaa‐keina, Vupu Ipawkia voa ane iaa‐keina, anana ane, ima ane, keina.
13Kurua awku ima‐keina u imua ama‐evere’e’e nai eiai? Ai. A namea orau evere’enave; uku i opara ima u imua mi‐anemakina, u namea miki inamu‐oiakeia’?-?ane‐iai; uku i Vupu unu Ipawkia voa namea anu lipi ovara ipawkiakeia’ane‐iai.
14Uku enei ipali’ina Vupu avaea awku keina: a nai oia a’a, namea anu aivara nai inaea‐ilauakeina.
15Uku opara nai li’ina nai a‐evere’enakea: opara liai nai umu‐li’ina kurua opara nai a‐li’inakea; a opara nai vai’i‐awkana kurua opara nai li’ina.
16Nai liane kurua opara nai umu‐a‐li’inakea, Vupu unu ima nai iki e’ena.
17A eai ei opara nai verukua a‐li’inakea, a namea nai laru ai keina u ei opara li’ina.
18Uku nai ipali’ina na?-?nane rurupu laru ai opara ima eria keina: opara anana liai nai umuliane, orau liai nai iva eria mi’ina.
19Uku ima opara liai nai umuli’ina nai a‐li’inakea: lipi opara nai umu‐a‐li’inakea nai li’inake.
20Nai liane kurua opara nai umu‐a‐li’inakea, kurua opara nai verukua a‐li’inakea, a namea nai laru ai keina u kurua opara li’ina.
21Na nane enu vupu eire, imaliai nai umuliane, namea maika e’e’ikana.
22Na nane miki laru ai nai kopaili’ina Eloi inu Vupu eiai.
23Vupu e na kape‐aru laru ai nai inamu‐oina, na lai inu vupu mani‐awkama?-?kina, ipirimakina ane namea anu vupu eiai, kurua vupu na kape‐aru laru ai ua?-?rokona.
24Lai kukupuna a’a nai! Ei imua anu kape mere koama‐i’ikamau?
25I ene Amua Iesu Keriso mere nai Eloi kopai‐awkana. A ei voa uakeina. I na nane miki Eloi inu Vupu nai kamaiali’ina; i na oia nane namea anu vupu nai kamaiali’ina.
Currently Selected:
Roma 7: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
