Roma 4
4
1Enei oiamakurumau uku Aberahamo ene mai?-?vaki eiai, u oiama‐mi’i’e?
2U anana‐awkavakeia’?-?ane uku una opara eiai, u uku mi’ina voa meramera kuruai a’a anu paku ai; Eloi inu paku ai peo.
3Iaa revareva oiama?-?kuru’i? Aberahamo Eloi pirimaroakoanave, una pirimaroakoa, opara anana orau, u eiai akoakei’inave.
4Iaki‐lia a’a anu kavani la’aruku oroiakeiapea, kurua kavani kamaia anu kavani keina.
5A a’a u iaki a‐li’inakea, u pirimaroakona, U ane U namea a’a mua mere anana‐eina, una pirimaroakoa, opara anana orau, u eiai akoakeina.
6Orau Davida awku voa kuruna uku kurua a’a anu kopai Eloi opara anana akona u eiai, uku a’a anu opara peo,
7U erau voa kurunave, A’a omo namea paue‐emiakeia’ane euna, omo namea vaua‐ekavakeina ane, a’a oro kopai‐ekavakeina.
8A’a awku una namea Iehova voa veve’eapea kurua a’a kopai‐awkavakeina.
9Ei kopai momoa‐eia a’a e eiai ana, ei kopai momoa‐eia eria a’a awku eiai ana? Enei kuruna, Aberahamo onu pirimaroakoa, opara anana orau, u eiai akoakei’inave.
10Ekarapani ai awku evere’eakei’inave Aberahamo eiai? Una momoa‐eia pani paku ai ana, una momoa‐eia pani neko mere ai ana? Momoa‐eia pani paku ai.
11U momoa‐eiakei’inave veia eiai, una pirimaroakoa opara anana anu miki ipawkimakei’inave kurua pani ai u momoa‐eia eria a’a kei’inave, momoa‐eia eria pirimaroakoa a’a uriria anu mai?-?vaki u keia’ane‐iai, uku oro awku eiai opara anana akoa?-?keia’ane‐iai.
12Momoa‐eia a’a anu mai‐vaki ane, oro ane ene mai‐vaki Aberahamo onu pirimaroakoa awkoro ai oro are rokona, kurua pirimaroakoa u miaka una momoa‐eia eria pani ai.
13Kurua kuruei voa u pani va’au omoro‐roikiakana Aberahamo ai, una kiri a’a ane, i vupu mere aneakape, a i pirimaroakoa opara anana mere aneaka.
14I vupu mere opara anana a’a pani va’au unu omoro roikia a’a keia’ane, pirimaroakoa eria‐eakeina, kuruei voa ane eria‐eakeina.
15Uku Vupu ipu‐mia mi‐anena, Vupu eria keia’ane, namea awku eria keina.
16Pirimaroakoa ei awku uriria anu uku keina, ei uku eiai, uku i Eloi inu la’aruku a’a anana‐eiakeina, uku kuruei voa evere’eakeia’ane‐iai kiri a’a uriria eiai; uku Vupulia a’a e peo, a uku oro awku, Aberahamo orau, i pirimaroakoa mere oro anana‐eiakeina; u ane u ene mai?-?vaki keina,
17Orau ei voa kikiriakeina, A’a kaki aila anu mai?-?vaki Nai evereniane euna. Eloi inu paku ai, U ane u pirimaroakoanave, U ane U imua a’a rokoa‐eina, U ane U voa kuruna uku awku eiakeiape orau oro eiakeia’ane, Aberahamo ene uriria anu mai‐vaki keina.
18Lai iakari pani ai u araea’araea pirimaroakoanave, uku a’a kaki aila anu mai‐vaki u evere’eane‐iai, orau ei voa kuruakei’inave, Orau ni kiri a’a keiakana.
19Una kape enu venea eapa evere’eaka uku una kinia pani mere aumeia 100 arekamu ai u rokoaka, a una pirimaroakoa eapa a?-?kei’inavea; una a’e ane, Sara, u kono kei’inave.
20Uku Eloi inu kuruei voa u a‐aua’a’anavea i una peroro e’ea mere; una pirimaroakoa iviri evere’enave, u Eloi avioinave ane;
21U ailiakei’inave kapoi, kuruei voa U kuruaka evere’eai U liakana.
22Ou uku eiai una pirimaroakoa opara anana akoakei’inave u eiai.
23Ei voa a‐kikiriakei’?-?inavea uku u e eiai, opara anana akoakei’inave u eiai,
24A uku enei awku eiai. Enei pirimaroakoa a’a eiai pirimaroakoa akoakeiakana, enei pirimaroakoane U ane U Iesu, ene Amua, imua mere la‐okanave;
25U ane U avakei’inave ene namea eiai, imua mere U moawku la‐okavakei’inave uku enei opara anana?-?aiakeia’ane euna.
Currently Selected:
Roma 4: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
