Roma 3
3
1Oi la’aruku ana Isaraela a’a mi’ina? Oi paioka ana momoa‐eia opara mere anena?
2Uku kavakava eiai kurua la’aruku ovara keina. Pinai, uku Isaraela a’a Eloi inu ane‐epo voa ekuakei’inave.
3Isaraela a’a varomo pirimaroakoape liane, omo peroro e’ea Eloi inu pirimaroakoa eria ama‐limau?
4Ai. Enei pirimaroako?-?namaki Eloi miki keina, a’a kavakava arauau ipawkiakeia’ane. Ei voa orau kikiriakeina, uku Ni voa vevea ipawkiakeia’ane‐iai Ni anana keina, Ni voa veveniakeia’ane Ni awkoni‐awkava’ane?-?iai.
5Ene namea Eloi inu opara anana pamea parea ai aiane, enei oiamakurumau? (Eloi ipu‐miane, U namea ana, nai a’a orau kuruna?
6Ai. U namea keia’ane, a’a uriria U voa eka’ama?-?veve’eimau?)
7Eloi inu voa miki everevereane euane Una evao’evao eiai, uku na arauau voa eiai, uku oiana namea a’a orau nai voa veve’i’iakeina?
8Uku oiana enei erau voa kuruapeana, Enei namea li’inamaki, ene namea mere ima elemaneane‐iai? Ene uru orau a’a namea upurukimakina. A’a orau voa e kevakeva kuruna omo mua‐awkava anana keina.
9Voa mo oiana? Enei Isaraela a’a i Eloi anana a’a evere’eakeia ana, lai unuku a’a oro namea a’a ana? Ai. Uku enei ipawkiane euna Isaraela a’a, Lai unuku a’a ane, oro uriria namea anu aivara a’a keina;
10Ei voa orau kikiriakeina, a’a kapeo opara anana a’a keina.
11A’a kapeo lai evera miki keina, a’a kapeo Eloi kevere‐kevere vorona.
12Kapea miki mere oro uriria kekeane euna; oro uriria paioka eria a’a evere’eane euna. A’a kapeo opara anana li’ina, lia, a’a kapeo.
13Omo kamuri lauoi auakeia mikirina; omo anai arauau voa oro kuruane eumakina, kaika anu ivave omo ane epo neko ai vaua?-?kavakeina:
14Omo ane anakaia voa, iara voa ane, evopoakeina.
15Omo are roko‐roko enana aro upuai.
16Oava, kukupuna ane, omo kapea ipawkina:
17Kapea airu ai oro ipaliape.
18Kore eria uakeina omo paku ai Eloi eiai.
19Enei ipali’inake voa kavakava Vupu kuruna, kurua voa kuruakeina Vupu?-?mia a’a eiai: uku ane kavakava eiekavakeia’ane‐iai, pani va’au unu a’a uriria mua evere’eane‐iai Eloi inu paku ai.
20Ou uku eiai uku Vupu kamaia‐lia a’a kapeo anana evere’eakeiakana Una paku ai. I Vupu namea ipaliakeina.
21A eai opara anana Eloi mere anemakina a’a anu paku ai ipawkiakeia’ane euna, Vupu voa, Laikorava a’a ane, ionelimakina ei opara anana Eloi mere anemakina, Vupu mere peo,
22Ei opara anana anu uku pirimaroakoa uakeina Iesu Keriso laru ai a’a uriria eiai oro pirimaroakona. Opara e e eria uakeina.
23Uku a’a uriria namea liane euna, oro uriria ipali’ina ane oro uku eria mi’ina Eloi inu kepoia voa miai.
24I Una veruku la’aruku mua mere oro anana‐eima?-?kina i iawka mere Keriso Iesu laru ai uakeina:
25U ane Eloi a’a anu paku ai aiane euna lai kekepe eiai, i pirimaroakoa Una aro mere, uku Una opara anana ipawkiai, uku Eloi inu lai kekepe eni namea paueakeina,
26Uku eai Una opara anana ipawkiai, uku U verukua opara anana keina U ipawkiakeia’ane‐iai, Iesu unu pirimaroakoa a’a U opara anana ekuna ane.
27Nomo meramera voa ekeiana? Kurua voa paueakeina. I oi Vupu ana? I ima opara ana? Ai. I pirimaroakoa anu Vupu e.
28Enei ipawkina kapoi uku pirimaroakoa a’a anana‐eakeina; uku Vupu unu opara peo.
29Eloi ane, U Isaraela a’a e enu Eloi ana, U lai unuku a’a anu Eloi peana? Lia. Lai unuku a’a awku unu Eloi U uarokona:
30Uku Eloi monou momoa‐eia pirimaroakoa a’a, momoa‐eia eria pirimaroakoa a’a ane, anana‐eiakana.
31Uku ei pirimaroakoa enei Vupu ama‐paue’i? Ai. Enei Vupu kane la‐okana.
Currently Selected:
Roma 3: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
