Roma 2

1Ou uku eiai paioka voa eria ni mi’ina, a’a e, ni ane ni a’a e voa veve’ena: uku ni a’a ni voa veve’eane, ni mua‐nikana; uku kurua namea eiai ni a’a e voa veve’eina ni awku li’ina.

2A enei ipali’inake Eloi inu voa vevea voa miki ipi’ipiakeina a’a eiai oro namea li’ina.

3Ni a’a e, ni a’a voa veve’eina kurua namea eiai ni awku li’ina, ni ama‐laikora’i Eloi inu voa vevea mere ni areaka‐enavakana?

4Una umu re, Una lai kekepa ane, ni lari‐ama‐li’i; ni pauapaua ana Eloi inu umu niramakina ni lai urukiane‐iai?

5Voa miki eire, uku ni inaka umu unu kane ia’ia ni roikimakina ni eiai ia’ia lare ai, kurua lare ai Eloi inu voa vevea anana ipawkiakeia’ane;

6A’a kavakava anu opara orau kavani U awkuakana:

7I iviri opara anana uru, avioia ane, opai rokoa ane, oro evoromakina, opai rokoa U ekuakana;

8A voa kamukamu a’a, voa miki oro kamaia‐a‐li’inakea, namea opara oro kamaiali’inake, oro upa mere ia’ia, iara ane,

9Kukupuna ane, kukunu ane, a’a kavakava anu imunu upa mere keiakana, oro ane namea liai oro ie’ena, pinai Isaraela a’a upa mere, neko mere ai lai unuku a’a upa mere.

10A’a kavakava opara anana li’ina uru, avioia ane, airu ane, awkuakeiakana, pinai Isaraela a’a, neko mere ai lai unuku a’a ane.

11Uku ei pani va’au unu kepoia voa Eloi a‐ie’einakea.

12Uku Vupu pauapaua a’a Vupu pauapaua imuakana; Vupu unu a’a uriria oro Vupu namea liane euna, i Vupu oro voa veve’eiakeiakana.

13Uku a’a Vupu unu voa virina u anana peo Eloi inu paku ai, a a’a Vupu unu voa kamaiali’ina oro anana a’a oroiakeiakana.

14A lai unuku a’a oro Vupu miape, a uku omo lai Vupu unu voa oro kamaiali’ina, oro Vupu eria a’a Vupu keina omo nane eiai:

15Uku oro ipawkina lai evera uku Vupu unu opara omo lai laru ai kikiriakeina, omo lai‐amua ane Vupu ioneli’ina, omo lai ane aili?-?ena naea, omo mua eria ipawkina naea;

16Kurua lare ai i Iesu Keriso a’a anu vauavaua awku Eloi voa veve’eiakana, voa orau ipawkiakeina Iva voa laru ai, orau nai ipawkiane euna ane.

17Uku nawi Isaraela a’a ni umuli’ina, Vupu laru ai airu, kopai ane, ni auina, voa meramera ni kuruna Eloi eiai ane,

18Una lai ni ipali’ina, opara e e ni ipia‐miai li’ina, uku Vupu mere ni ipanikia?-?keina,

19Ni ailiniane euna ni orava a’a keina inamu‐apua a’a eiai, ni pamea keina ane lai muru a’a eiai,

20Ni omoro a’a keina avu‐avu a’a eiai ni ipawkia a’a keina ukua‐mere eiai, uku Vupu laru ai lai evera anu aipo, voa miki anu aipo ane, ni mi’ina:

21Ni ane ni a’a ni ipawkina ni ipanikiai ni inaka‐ama‐li’i? ni ane ni omoro kuruna, a’a avapu pa liai, ni avapu a’a ana?

22Ni ane ni kuruna, a’a eve’eve pa liai, ni eve’eve?-?ama‐li’i? ni ane ni imunu lari‐ekana, omo ravi aru ni avapu‐ama‐li’i?

23Ni ane ni voa meramera kuruna Vupu eiai, Vupu unu ipawkia voa ni inaka‐ama‐li’i, orau Eloi makiri‐awkana?

24Uku ni Eloi inu nawi mai‐voa kuruakeina lai unuku a’a awkono avao ai, orau Iaa revareva voa laru ai kikiriakeina.

25Ni Vupu kamaialiane, momoa‐eia opara paiokana kapoi: ni Vupu inaka‐lia a’a keia’ane, uku ni momoa?-?einikeia’ane euna ni paioka eria mi’ina.

26Orau momoa‐eia eria a’a Vupu unu opara u anana kamaialiane, una momoa‐eia eria evere’eakeia peana,

27U lai unuku a’a kiniakeia’ane, u Vupu kevere?-?kevere kamaialiane, u voa vevenipeana, ni Vupu inaka?-?lia a’a, uku kikiria Vupu, momoa‐eia voa ane, ni mi’ina?

28Uku Isaraela a’a miki u kurua a’a peo u iki ai e Isaraela a’a keina; momoa‐eia miki ane kape enu oia momoa‐eia peo.

29Kurua a’a u laru ai Isaraela a’a keina u Isaraela a’a miki keina; momoa‐eia miki umu momoa‐eia keina, avaea anu awku, kape enu awku peo; ei a’a kepoia voa a’a mere miapea, Eloi mere oro kepoia voa mi’ina.

Currently Selected:

Roma 2: IAR1920

Highlight

Copy