Roma 16
16
1Piki ene aro a’e nai kepoina noro paku ai, u Kenekerea ekalesia anu diakona a’e:
2Ekalesia a’a anu opara ima orau noro umu‐awkava’?-?ane‐iai, pai‐okava’ane‐iai ane, u paioka umu‐liane: uku a’a aila, nai ane, u paieka’ane euna.
3Perikila, Akoila ane, umu‐ekane, uku Keriso Iesu unu iaki liai orere pai’ika’ane euna:
4Uku omo rokoa orere e’ei‐awka’ane euna na rokoa iawkavai: nai kopai‐ekana, a nai e apea, lai unuku a’a anu ekalesia uriria awku kopai‐ekana.
5Ekalesia a’a omo marea ai kaupukina na kepoia voa ekune. Na naumuki vaki Epaineto kepoine, u Akaia anu maura‐uru Keriso eiai.
6Maria awku kepoine, u iaki iviriliane euna noro awkono avao ai.
7Anederoniko, Iunia ane, na avai a’a, kepoia voa ekune. Kipura marea nai kiripai orere aua‐mi’inave. Orere uru‐mia a’a iva a’a awkono avao ai, orere Keriso onu a’a kei’inave ane na pirimaroakoa pani paku ai.
8Amapilia ane kepoine, u na naumuki a’a keina Amua eiai.
9Urupani ane kepoine, u na paioka a’a Keriso onu iaki eiai, Kitaki ane na naumuki vaki.
10Apele ane, Keriso onu eni pirimaroakoa a’a, kepoine. Arikikolo onu avai a’a kepeine ane.
11Herodiono, na avai a’a, kepoine. Narekiko onu avai a’a oro Amua anu pirimaroakoa a’a kepeine.
12Turapena, Turapoka ane, orere Amua anu iaki li’ina, kepeine. Perikiki ane kepoine, Amua anu iaki u iviri liane euna.
13Rupu kepoine, u ane u Amua anu ie’ea a’a keina: una mei, na mei ane, kepoine.
14Akukerito ane, Pelekona ane, Erema ane, Pateroka ane, Ereme ane, aroa a’a awku oro kiripai pokoina, kepeine.
15Piloloku ane, Iulia ane, Nerea ane, una aro a’e ane, Olumepa ane, iaa a’a uriria oro kiripai pokoina, kepeine.
16Noro monou monou iaa epo‐nami’ine, Keriso onu ekalesia kepoia voa nakuna.
17Ovaki airavaki e, nai nanuku‐nakana a’a eiviriai, noro awkono avao ai oro voa kamukamu awvoina ipawkia voa miki mere oro a’a e eramakina; noro lari‐ekane.
18Uku ene Amua Iesu Keriso oro kamaia‐a‐awka?-?nakea, oro omo kape i’ima anu aivara keina; i voa kekepa, i ima omoro voa ane, lai eapa a’a oro ewaea‐ekana.
19Nomo uru uku nomo kamaia Iva voa eiai mako?-?mako ai ipaliakeina, Noro eiai nai kopaili’ina: a nai umuli’ina noro lai evera keia’ane‐iai opara ima eiai, lai mua eria keia’ane‐iai lipi opara eiai.
20Eloi, U ane U airu awkuna, nomo are arau ai U Satani oinima. Ene Amua Iesu Keriso onu la’aruku noro kiripai rokonamoki. Amene.
21Timoteo na paioka a’a, Lukio ane, Iasona ane, Kopipata ane, na avai a’a, oro kepoia voa nakuna.
22Nai awku Teretio, nai ei revareva kikirina, ekalesia kepoia voa ekaivirina noro eiai.
23Kaio ane u i’ivirina, ekalesia a’a uriria ane, u awku kepoia voa ekaivirina noro eiai. Erakutu ane, pai’iri inu moni oiviria mai‐vaki, Kouareto ane, orere kepoia voa ekaivirina noro eiai.
24Ene Amua Iesu Keriso onu la’aruku noro uriria kiripai rokonamoki. Amene.
25U eiai U ane U iva mi’ina iviri‐naiai orau ipawkiakeina Iva voa laru ai, omoro voa Iesu Keriso eiai nai upurukimakina, voa Miki inu voa ipi’ipiakeina, kurua voa eni pani vauakei’inave,
26A eai kurua voa ipawkiakeina, i Eloi opai inu voa laikorava a’a anu revareva laru ai kurua voa ipaliakeia’?-?ane euna lai unuku a’a uriria awkono avao ai oro pirimaroakoa anu voa kamaialiane‐iai:
27Eloi eiai, U ane U e lai evera keina, i Iesu Keriso mere, evao’evao rokonamoki opai keiakana. Amene.
Currently Selected:
Roma 16: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
