Roma 15
15
1A uku enei iviri a’a, ene kamaia eapa a’a anu eapa vakaruai, ene kopai pa evoroai.
2Ene a’a kavakava ipia‐mi’inamoki una Ekalesia aroa a’a kopai‐awkavai, una pirimaroakoa u la‐okava’ane‐iai.
3Uku Keriso Una kopai a‐voronavea. Ei voa kikiriakeina U eiai. Anara voa oro kuruninave Nai upa mere oro ara’ane euna.
4Uku voa uriria eni pani ai kikiriakei’inave enei ipakiai oro kikiriakeia’ane euna, i iviri inu iva mere, Iaa revareva anu paioka voa mere ane, panipani ai enei araea’araea miane‐iai.
5Eloi ane U iviri inu iva, paioka voa ane awkuna, U umu miki nakunamoki noro monou monou eiai orau Keriso Iesu ipawkinave,
6Noro lai monou, voa monou ane, Eloi avioiane‐iai, U ane U ene Amua Iesu Keriso onu Mai ua‐rokona.
7Ou uku eiai umu‐nakane, orau Keriso umu‐naka’ane euna Eloi inu evao’evao eiai.
8Na voa anu miki eire, Keriso Isaraela a’a anu aivara evere’eane euna uku Eloi inu voa anu miki U ipawkiane‐iai, uku maura‐voa anu miki awku ipawkiai, kurua maura‐voa kurueakei’inave ene eni mai‐oro eiai;
9Uku lai unuku a’a awku Eloi avioiane‐iai Una umu eiai; ei voa orau kikiriakeina, Ei uku eiai lai unuku a’a awkono avao ai Nai aviniakana, Ni nawi avioiai Nai Salamo awni‐awkavakana ane.
10Salamo kikiria a’a erau voa kuruna ane, Una a’a kiripai kopai’li‐ine, lai unuku a’a e.
11Voa mo ane, Amua avioine, lai unuku a’a uriria e, A’a aruru uriria kepoina?-?meki.
12Isaia awku erau voa kuruna, Uku a’a Iese mere rokoakana, Monou ane U la’ana lai unuku a’a amua‐ekavai. Lai unuku a’a pirimaroakoakana ane.
13Eloi ane U araea’araea awkuna, kopai iki, airu ane, U evoponainamoki, uku noro U‐pirimaroakona, i Avaea Iaa mere evereverea araea’araea noro miane‐iai.
14A uku noro eiai, ovaki airavaki e, nai lai aukiakeina, opara ima noro evopoakeina, lai evera uriria ane, noro ipanakiai li’ina ane.
15Nai iviri kikirinaiane euna, uku noro laikora‐na?-?kiane‐iai kurua awku noro ipali’ina, uku iva ane i Eloi veruku ikuakeina.
16Uku nai Keriso Iesu unu omoro a’a lai unuku a’a awkono avao ai keia’ane‐iai Eloi inu Iva voa omoro kurumakina, uku lai unuku a’a epie pei ima keia’ane‐iai Una paku ai, epie pei Avaea Iaa iaa‐eane euna.
17Keriso Iesu laru ai lai kauakaua anu uku nai mi’ina uku iaki nai limakina Eloi eiai.
18Nai voa kuruapea uku kurua awku i a’a e Keriso liane euna lai unuku a’a awkono avao ai, a uku kurua awku e i na voa, i na iaki ane, Keriso liane euna lai unuku a’a kamaia’eiai nai kuruna,
19Iva ipawkiakeina iva veia laru ai, momo’ore awku laru ai, i Avaea Iaa anu iva mere. A voa kuruai uku na iaki e eiai, pinai Ierusalema ai, eiei arekamu ai ane, ena?-?ena Iliriko eiei ai Keriso onu Iva voa nai omoro kuruane euna;
20Nai ipia‐miane euna Iva voa omoro kuruai mako?-?mako ai Keriso onu nawi pauapaua kei’inave, nai a’a e enu u’uri upa mere la?-?okanavaia.
21Iaa revareva erau voa kikiriakeina, Oro eiai Una uru aneape, oro inamu‐oiakana, Oro awku viriape anea’anea eai, oro ipaliakana.
22Ei iaki eiai noro ai aneai pani aila nai ei’ikava?-?keia’ane euna.
23A eai uku nai iaki eria mi’ina eu ai, uku awku aumeia aila noro ai aki‐aneai nai umuliane euna,
24Nai Sepania i aki‐enava’ane, inamu‐naiai nai araea’araea li’ina paioka miai ane noro mere na aki eiai, na pokoia pani noro kiripai oailiakeia’ane.
25A eai Ierusalema ai nai enamakina Eloi inu a’a paiekavai,
26Uku Makedonia a’a, Akaia a’a ane, moni la’aruku awkuane euna moni eria a’a eiai Eloi inu a’a awkono avao ai Ierusalema ai.
27Ei la’aruku oro veruku awkuane euna, ei la’aruku omo kamaia kavani uku oro omo kamaia‐mia a’a kei’inave. Uku lai unuku a’a evere’eiakeia’ane euna Isaraela a’a kiripai avaea awku aua‐miai, oro kamaia‐ekavakeina Isaraela a’a paiekavai kape awku eiai.
28Nai ei kamaia iaki oailiane, nai ipaliane ane la’aruku ekuakeina oro eiai la’aruku akoakei’inave, noro ai Sepania i nai aneakana.
29Nai ipali’ina kapoi nai noro ai anea’ane, paioka veruku Keriso mere nai mi?-?aneakana.
30Ovaki airavaki e, uku ene Amua Iesu Keriso eiai, uku Avaea anu umu eiai ane, nai nanuku‐nakana nai kiripai Eloi nawki‐awkavai uku nai eiai;
31Nai i’ikavakeia’ane‐iai inaka‐lia a’a mere Iudea eiei ai; na aki inu iaki awku eiai Ierusalema ai i Ekalesia a’a kopai miakeia’ane‐iai;
32Eloi evere’eane, noro ai lai kopai nai anea’ane‐iai, noro kiripai nai laikaiane‐iai ane.
33Eloi, U ane U airu awkuna, noro uriria kiripai pokoinamoki! Amene.
Currently Selected:
Roma 15: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
